दिग्दर्शक आदित्य धर यांचा बहुप्रतिक्षित अॅक्शन-थ्रिलर ‘धुरंधर’ अखेर चित्रपटगृहांमध्ये प्रदर्शित झाला. रिलीजच्या दिवसापासूनच या चित्रपटाला प्रेक्षकांचा उत्तम प्रतिसाद मिळत असून, याच पार्श्वभूमीवर आदित्यची पत्नी आणि अभिनेत्री यामी गौतमने (Yami Gautam)एक खास, मनाला भिडणारी पोस्ट शेअर केली आहे.
यामीने काही वेळापूर्वी इंस्टाग्रामवर काही फोटो शेअर केले—त्यातील एका फोटोमध्ये ती आणि आदित्य स्मित हास्य करताना दिसत आहेत. फोटोसोबत तिने लिहिलं,आज ‘धुरंधर’चा दिवस आहे. माझ्यासाठी अत्यंत मेहनती आणि माझी अनमोल लोक -माझं कुटुंब! त्याचा मला खूप अभिमान आहे.
यानंतर पती आदित्यसाठी भावना व्यक्त करत ती पुढे लिहिते, आदित्य, तू आणि संपूर्ण ‘धुरंधर’ टीमने या चित्रपटात तुमचं पूर्ण मन, समर्पण, जिद्द, श्रम आणि न दिसणारे अश्रू ओतले आहेत. आज अनेक भावना एकत्र उसळत आहेत. सर्वांच्या हृदयाचे ठोके एकाच तालावर धडधडत आहेत. तुमची प्रत्येक जागा ‘धुरंधर’ व्हावी.,हा 2025 चा निरोप नाही, तर 2026 च्या नवीन वर्षाचं स्वागत आहे-आपल्या सर्वांसाठी, संपूर्ण जगासाठी. आता हा चित्रपट तुम्हा प्रेक्षकांचा आहे. जय हिंद!”
आदित्य धर लिखित व दिग्दर्शित हा जासूसी-एक्शन थ्रिलर रणवीर सिंहच्या दमदार भूमिकेमुळे आधीच चर्चेत आहे. रणवीरने एका रॉ एजंटची भूमिका साकारली आहे, ज्याचा कोडनेम आहे ‘द रॅथ ऑफ गॉड’. त्याचा गूढ भूतकाळ आणि क्रूर मिशन्स याभोवती थरारक कथा फिरते.
चित्रपटाचे निर्मिती जियो स्टुडिओ आणि बी62 स्टुडिओ यांनी केली असून कलाकारांच्या ताफ्यात संजय दत्त, अक्षय खन्ना, आर. माधवन, अर्जुन रामपाल, सारा अर्जुन आणि राकेश बेदी यांचा समावेश आहे.धुरंधरच्या रिलीजसोबतच प्रेक्षकांमध्ये प्रचंड उत्साह निर्माण झाला असून, यामी गौतमचा भावनिक पाठिंबा चित्रपटाला आणखी चर्चेत आणत आहे.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा
Comments are closed.