पहिल्याच चेंडूवर जीवदान, मग यूएई संघाला रडवले; वैभव सूर्यवंशीच्या खेळीने सगळेच चक्रावले,

वैभव सूर्यवंशीने रायझिंग स्टार्स आशिया चषक स्पर्धेत नवा विक्रम केला. सूर्यकुमार यादवच्या नेतृत्वाखाली आशिया कप 2025 जिंकल्यानंतर भारतीय संघाने आता आणखी एका आशिया कपमध्ये दमदार सुरुवात केली आहे. 14 नोव्हेंबर रोजी दोहा, कतार येथे सुरू झालेल्या आशिया कप रायझिंग स्टार्स स्पर्धेतील पहिल्या ग्रुप बी सामन्यात भारताने मोठा विजय नोंदवला. जितेश शर्माच्या नेतृत्वाखाली टीम इंडियाने यूएईचा 148 धावांनी पराभव केला. भारतीय संघाच्या विजयाचा स्टार 14 वर्षीय वैभव सूर्यवंशी होता, ज्याने फक्त 32 चेंडूत विक्रमी शतक ठोकले. दरम्यान, संपूर्ण यूएई संघाने वैभवच्या जवळपास तितक्याच धावा केल्या आणि तो पराभव पत्करावा लागला.

काय. A. ठोका 🤯

वैभव सूर्यवंशी यांनी भारत अ संघाला उजेड दिला #RisingStarsAsiaCup सलामीवीर 32 चेंडूत शतकांसह 👏🙌

अपडेट्स ▶️ https://t.co/c6VL60RuFV pic.twitter.com/iT0mvtOljo

— BCCI (@BCCI) 14 नोव्हेंबर 2025

वैभवचे शतक, जितेश शर्माही चमकला

रविवार 16 नोव्हेंबर रोजी पाकिस्तानविरुद्धच्या महत्त्वाच्या सामन्यापूर्वी भारतीय संघाने यूएईविरुद्ध दमदार कामगिरी केली. त्याची सुरुवात युवा सलामीवीर वैभव सूर्यवंशीने केली होती. सामन्याच्या पहिल्याच चेंडूवर जीवदान मिळाल्यानंतर, वैभवने यूएईच्या गोलंदाजांना चकवा देत केवळ 17 चेंडूत अर्धशतक झळकावले. आपला आक्रमक खेळ सुरू ठेवत, वैभवने केवळ 32 चेंडूत विक्रमी शतक ठोकले.

Vaibhav Sooryavanshi is a superstar. Period. 🔥

📹 | टोन सेट करण्यासाठी आमच्या बॉस बेबीकडून एक स्टेटमेंट शतक 🤩

पहा #INDvUAE मध्ये #DPWorldAsiaCupRisingStars2025आता थेट सोनी स्पोर्ट्स नेटवर्क टीव्ही चॅनेल आणि सोनी LIV वर. #SonySportsNetwork #SonyLIV pic.twitter.com/K0RIoK4Fyv

— सोनी स्पोर्ट्स नेटवर्क (@SonySportsNetwk) 14 नोव्हेंबर 2025

वैभव इतका चांगला फॉर्ममध्ये दिसत होता की तो द्विशतक पूर्ण करू शकला असता, परंतु 13 व्या षटकात तो सीमारेषेजवळ झेलबाद झाला. वैभवने केवळ 42 चेंडूत 144 धावांची (15 षटकार, 11 चौकार) आश्चर्यकारक खेळी खेळली. कर्णधार जितेश शर्माने ही गती कायम ठेवत केवळ 32 चेंडूत नाबाद 83 धावा (8 चौकार, 6 षटकार) केल्या आणि संघाला 20 षटकात 297 धावांपर्यंत पोहोचवले.

कॅप्टनने पक्षात प्रवेश केल्याने ते अधिक चांगले झाले

पहा #INDvUAE मध्ये #DPWorldAsiaCupRisingStars2025आता थेट सोनी स्पोर्ट्स नेटवर्क टीव्ही चॅनेल आणि सोनी LIV वर. #SonySportsNetwork #SonyLIV pic.twitter.com/7QNbpB0ecd

— सोनी स्पोर्ट्स नेटवर्क (@SonySportsNetwk) 14 नोव्हेंबर 2025

टीम इंडियाचा यूएईवर 148 धावांनी विजय (India Win Over UAE Rising Stars Asia Cup)

एवढ्या मोठ्या धावसंख्येचा पाठलाग करणे कोणत्याही संघासाठी कठीण असेल, परंतु यूएईसाठी सुरुवातीपासूनच ते अशक्य वाटत होते. वेगवान गोलंदाज गुर्जपनीत सिंग (3/18) ने चौथ्या षटकात दोन बळी घेत विजयावर शिक्कामोर्तब केले. युएईने फक्त 83 धावांत पाच विकेट गमावल्या होत्या आणि ते किती धावा काढू शकतात हे पाहणे बाकी होते. संघाने त्यांचे पूर्ण 20 षटके खेळले, परंतु त्यांचा धावसंख्या वैभव सूर्यवंशीच्या डावाइतकाच राहिला. शोएब खानच्या 63 धावांच्या जोरावर, युएईने 20 षटके पूर्ण खेळली तरीही फक्त 149 धावांपर्यंत मजल मारू शकली. विशेष म्हणजे, हा स्कोर एकट्या वैभव सूर्यवंशीच्या धावसंख्येपेक्षा फक्त 5 धावा जास्त झाला.

टीमइंडियाने मोहिमेची सलामी दिली 🌬️

पहा #DPWorldAsiaCupRisingStars202514-23 नोव्हेंबर दरम्यान, सोनी स्पोर्ट्स नेटवर्क टीव्ही चॅनेल आणि सोनी LIV वर थेट. #SonySportsNetwork #SonyLIV pic.twitter.com/677NEF4MTF

— सोनी स्पोर्ट्स नेटवर्क (@SonySportsNetwk) 14 नोव्हेंबर 2025

हे ही वाचा –

Vaibhav Suryavanshi : रायझिंग स्टार टी 20 चषकात वैभव सूर्यवंशीचं वादळ, अवघ्या 42 चेंडूत 144 धावा, 11 चौकार आणि 15 षटकारांचा पाऊस

आणखी वाचा