वैभव सूर्यवंशीकडून पाकच्या कॅप्टनची विकेट,निम्मा संघ तंबूत परतला, भारत विजयाच्या दिशेने…

दुबई: आशिया कप अंडर 19 स्पर्धेत भारत आणि पाकिस्तान आमने सामने आले आहेत. पावसानं व्यत्यय आणलेल्या या सामन्यात भारतानं पहिल्यांदा फलंदाजी करताना सर्वबाद 240 धावा केल्या होत्या. टीम इंडियाला या सामन्यात सलामीवर वैभव सूर्यवंशीकडून खूप अपेक्षा होत्या. मात्र तो या मॅचमध्ये केवळ 5 धावा करुन बाद झाला. वैभव सूर्यवंशीनं याची भरपाई पाकिस्तानचा कॅप्टन फरहान युसूफ यांची विकेट मिळवून देत केली आहे. यामुळं मॅचवर भारताची पकड मजबूत झाली.

पाकचा निम्मा संघ तंबूत, दीपेश देवेंद्रनची अफलातून गोलंदाजी

भारताच्या दीपेश देवेंद्रन यानं पाकिस्तानला सुरुवातीला धक्के दिले. त्यानं पाकिस्तानच्या टॉप ऑर्डरला सुरुंग लावला. समीर मिन्हास, अली बलोच आणि अहमद हुस्सेन या तिखांना दीपेश देवेंद्रन यानं बाद केलं. त्यानं 5 ओव्हरमध्ये केवळ 7 धावा देत 3 विकेट काढल्या. कनिष्क चौहान यानं पाकिस्तानचा सलामीवीर उस्मान खान याला 16 धावांवर बाद केलं. यानंतर पाकिस्तानचा कॅप्ट फरहान युसूफ याची विकेट वैभव सूर्यवंशीनं घेतली. 32 व्या ओव्हरच्या चौथ्या बॉलवर तजेला पटेल यानं पाकिस्तानचा फलंदाज हमजा जहूर याला 4 धावांवर नंतर केलं.

अरोन जॉर्जचं अर्धशतक, भारताच्या 240 धावा

भारताचा सलामीवीर वैभव सूर्यंवशी केवळ 5 धावा कुन बाद झाला. यानंतर कॅप्टन आयुष म्हात्रे आणि अरोन जॉर्ज या दोघांनी भारताचा डाव सावरला. भारताची दुसरी विकेट 78 धावा झाल्या असताना पडली. आयुष म्हात्रेनं 38 धावा केल्या. तर, अरोन जॉर्ज यानं 85 धावा केल्या. यानंतर कनिष्क चौहान यानं 46 धावांची खेळी केली. अभिग्यानं कुंदू यानं 22 धावा केल्या. यामुळं भारताचा संघ 240 धावांपर्यंत पोहोचू शकला. पाकिस्तानच्या मोहम्मद सय्याम आणि अब्दुल शुभन या दोघांनी प्रत्येकी तीन तीन विकेट घेतल्या.

वैभव सूर्यवंशीनं पहिल्या सामन्यात शक्तिशाली खेळी केली होती. वैभवनाम ९५ चेंडूत १७१ धावांची तुफानी खेळी केली होती. त्यामुळं या सामन्यात देखील तर शक्तिशाली कामगिरी करेल अशी क्रिकेट चाहत्यांना अपेक्षा होती. फक्त, तर केवळ ५ धावा करुन नंतर झाला. वैभव सूर्यवंशीनं याची भरपाई पाकिस्तानचा कॅप्टन फरहान युसूफची विकेट घेत केली.

भारत मजबूत स्थितीत

भारताचे फलंदाज मोठी धावसंख्या उभारण्यात अपयशी ठरले असले तरी गोलंदाजांनी या सामन्यात भारताला वर्चस्व मिळवून दिलं आहे. 33 व्या ओव्हरपर्यंत पाकिस्तानचे 6  फलंदाज तंबूत परतले आहेत. त्यामुळं आयुष म्हात्रेच्या नेतृत्त्वात युवा खेळाडूंनी पाकिस्तानवर वर्चस्व मिळवलंं आहे.

आणखी वाचा