टीम इंडियाच्या ऑलराउंडर वेंकटेश अय्यरने आपल्या ऑलटाईम टी20 प्लेइंग इलेव्हनची निवड केली आहे. या संघात त्यांनी भारतीय संघातील दिग्गज फलंदाज रोहित शर्मा आणि विराट कोहली यांना स्थान दिलेले नाही. वेंकटेशच्या टीममध्ये अभिषेक शर्माने मात्र आपली जागा पक्की केली आहे. तसेच भारतीय ऑलराउंडरने जसप्रीत बुमराह आणि हार्दिक पांड्यालाही आपल्या इलेव्हनमध्ये सामील केले आहे. संघाची कर्णधारपदाची जबाबदारी त्यांनी एमएस धोनीकडे सोपवली असून, विकेटकीपर म्हणूनही त्याचीच निवड केली आहे.
वेंकटेश अय्यरने आपल्या प्लेइंग इलेव्हनमध्ये ओपनरची जबाबदारी अभिषेक शर्मा आणि वीरेंद्र सेहवाग यांच्यावर सोपवली आहे. अभिषेक सध्या जगातील नंबर वन टी20 फलंदाज असून, आपल्या जोरदार कामगिरीवर टीम इंडियाला अनेक सामने जिंकून दिले आहेत. नंबर तीनच्या स्थानासाठी वेंकटेशने बेन स्टोक्सची निवड केली आहे, तर नंबर चारवर त्यांनी एबी डिव्हिलियर्सला ठेवले आहे.
सुरेश रैनाही वेंकटेशच्या टी20 संघात आपली जागा पक्की करण्यात यशस्वी झाले आहेत. ऑलराउंडर म्हणून वेंकटेशने हार्दिक पांड्यावर विश्वास ठेवला आहे. तर विकेटकीपर आणि कर्णधारपदासाठी भारतीय ऑलराउंडरने एमएस धोनीवरच विश्वास ठेवत त्याची निवड केली आहे.
वेंकटेश अय्यरने वेगवान गोलंदाजीची जबाबदारी लसिथ मलिंगा आणि जसप्रीत बुमराह यांच्या हातात दिली आहे. मलिंगा आणि बुमराह हे या फॉरमॅटमधील सर्वात धडाडीचे गोलंदाज मानले जातात. त्यांच्या पुढे जगातील मोठमोठे फलंदाजही असहाय्य दिसतात. स्पिनर म्हणून वेंकटेशने आपल्या संघात राशिद खान आणि सुनील नारायण यांचा समावेश केला आहे. तर मॅथ्यू हेडनला त्यांनी इम्पॅक्ट प्लेयर म्हणून आपल्या टीममध्ये स्थान दिले आहे.
वेंकटेश अय्यरची ऑलटाईम टी20 प्लेइंग इलेव्हन:
वीरेंद्र सेहवाग, अभिषेक शर्मा, बेन स्टोक्स, एबी डिव्हिलियर्स, सुरेश रैना, हार्दिक पांड्या, एमएस धोनी (कर्णधार), राशिद खान, सुनील नारायण, जसप्रीत बुमराह, लसिथ मलिंगा, मॅथ्यू हेडन (इम्पॅक्ट प्लेयर).
Comments are closed.