मराठी मालिका, नाटक, सिनेमा अशा तिन्ही माध्यमांमध्ये आपल्या अभिनयाचा ठसा उमटवणाऱ्या लोकप्रिय ज्येष्ठ अभिनेत्री ज्योती चांदेकर यांचे निधन झाले. वयाच्या 69व्या वर्षी त्यांनी अखेरचा श्वास घेतला. गेल्या अडीच वर्षांपासून त्या ‘स्टार प्रवाह’
वाहिनीवरील ‘ठरलं तर मग’ मालिकेत पूर्णा आजीची भूमिका साकारत होत्या. त्यांच्या पश्चात दोन मुली आहेत. मराठी कलाविश्वातील लोकप्रिय अभिनेत्री तेजस्विनी पंडित ही ज्योती चांदेकर यांची मुलगी आहे.
गेल्या आठवडय़ापासून त्या आजारी होत्या. 3-4 दिवसांपासून पुण्यातील खासगी रुग्णालयात त्यांच्यावर उपचार सुरू होते. आपल्या आईच्या पावलावर पाऊल टाकत अभिनेत्री तेजस्विनी पंडितने या क्षेत्राची वाट धरली. आज ज्योती चांदेकर यांच्या निधनाने मराठी सिनेसृष्टीला खूप मोठा धक्का बसला आहे. याशिवाय ‘ठरलं तर मग’ मालिकेतील कलाकारांवरसुद्धा दुःखाचा डोंगर कोसळला आहे. रविवारी वैकुंठ स्मशानभूमी येथे त्यांच्यावर सकाळी 11 वाजता अंत्यसंस्कार करण्यात येणार आहेत.
Comments are closed.