महिला प्रीमियर लीग 2026 मधील यूपी वॉरियर्स आणि मुंबई इंडियन्स यांच्यातील सामन्यात क्षेत्ररक्षणाचे एक नेत्रदीपक दृश्य पाहायला मिळाले. यूपीची खेळाडू क्लो ट्रायॉनने स्क्वेअर लेगवर नेत्रदीपक डाईव्ह मारून हरमनप्रीत कौरची महत्त्वाची विकेट घेतली. ही विकेट पूर्णपणे क्षेत्ररक्षकाच्या मेहनतीचे फळ होते.
महिला प्रीमियर लीग 2026 चा आठवा सामना गुरुवारी (15 जानेवारी) नवी मुंबईतील डीवाय पाटील स्टेडियमवर यूपी वॉरियर्स आणि मुंबई इंडियन्स यांच्यात खेळला जात आहे. यूपी वॉरियर्सची कर्णधार मेग लॅनिंगने नाणेफेक जिंकून प्रथम गोलंदाजी करण्याचा निर्णय घेतला.
प्रथम फलंदाजीला आलेल्या मुंबई इंडियन्सची सुरुवात संथ झाली. गुणलान कमलिनी १२ चेंडूत ५ धावा करून बाद झाली, तर अमनजोत कौरने ३३ चेंडूत ३८ धावांची खेळी केली. यानंतर चौथ्या क्रमांकावर आलेल्या कर्णधार हरमनप्रीत कौरने धावगती वाढवण्याचा प्रयत्न केला, मात्र ती फार काळ टिकू शकली नाही. हरमनप्रीत 11 चेंडूत 16 धावा करून बाद झाली. हरमनप्रीतची विकेट डावाच्या 13व्या षटकात एका शानदार झेलद्वारे आली.
Comments are closed.