अक्षर पटेलच्या कमाल प्रयत्नाला दुबेची साथ; झेल ठरला सामन्याचा टर्निंग पॉइंट, 14व्या षटकात घडल असं की…VIDEO

यंदाच्या टी२० विश्वचषक स्पर्धेच्या उपांत्य फेरीत भारत आणि इंग्लंड यांच्यात रोमांचक सामना झाला. इंग्लंडने नाणेफेक जिंकून प्रथम गोलंदाजी करण्याचा निर्णय घेतला. संजू सॅमसनच्या ८९ धावांच्या दमदार खेळीच्या जोरावर भारताने २० षटकांत २५३ धावांचा डोंगर उभा केला आणि इंग्लंडसमोर २५४ धावांचे लक्ष्य ठेवले.

धावांचा पाठलाग करताना इंग्लंडने सुरुवातीपासूनच आक्रमक खेळ केला. जेकब बेथेल आणि विल जॅक्स यांनी भारतीय गोलंदाजांवर जोरदार हल्ला चढवला. इंग्लंडने १३ षटकांत १६० धावा केल्या. त्या क्षणी, सामना भारताच्या हातातून निसटत असल्याचे दिसत होते आणि मैदानावर तणावपूर्ण वातावरण निर्माण झाले होते.

अशा वेळी, कर्णधार सूर्यकुमार यादवने १४ वा षटक अर्शदीप सिंगला दिला. या षटकातील शेवटचा चेंडू सामन्याचा टर्निंग पॉइंट ठरला. विल जॅक्सने त्याला जोरदार फटका मारला, परंतु अक्षर पटेलने विजेच्या वेगाने धावत सीमारेषेवर चेंडू पकडला आणि तो मैदानात फेकला. तिथे तयार असलेल्या शिवम दुबेने एक परिपूर्ण झेल घेतला आणि इंग्लंडला मोठा धक्का दिला.

विल जॅक्सची विकेट पडताच भारतीय संघाला एक नवीन जीवनदान मिळाले. हा झेल पाहून प्रशिक्षक गौतम गंभीरनेही उभे राहून टाळ्या वाजवल्या. त्या क्षणापासून इंग्लंडचा धावगती कमी होऊ लागली.

इंग्लंडला शेवटच्या षटकांमध्ये ३० धावांची आवश्यकता होती. पण भारतीय गोलंदाजांनी अचूक मारा करत त्यांना फक्त २२ धावांपर्यंत रोखले आणि भारताने हा रोमांचक सामना ७ धावांनी जिंकला आणि अंतिम फेरीत प्रवेश केला.