T-20 विश्वचषक 2026 मध्ये, कोलकात्याच्या ईडन गार्डन्स स्टेडियमवर खेळल्या गेलेल्या इंग्लंड विरुद्ध इटली सामन्यादरम्यान, एक अशी घटना घडली जी क्रिकेट चाहत्याला पाहायला आवडणार नाही. सध्या सोशल मीडियावर एक व्हिडिओ व्हायरल होत आहे ज्यामध्ये इंग्लंड विरुद्ध इटली सामन्यादरम्यान एक वृद्ध महिला गंभीर जखमी झाल्याचे पाहायला मिळत आहे.
मीडिया रिपोर्ट्सनुसार, ही घटना सोमवारी, 16 फेब्रुवारी रोजी घडली, जेव्हा इंग्लंडचा अष्टपैलू जेमी ओव्हरटनचा शॉट थेट महिला प्रेक्षकांच्या चेहऱ्यावर गेला आणि ती जखमी झाली. महिलेच्या अंगावर चेंडू आल्यानंतर तिच्या नाकातून रक्त येऊ लागले. व्हायरल झालेल्या व्हिडिओमध्ये बॉलमुळे गंभीर जखमी झाल्यानंतर सीमारेषेच्या आत महिलेवर प्राथमिक उपचार केले जात असल्याचे दिसत आहे.
हा व्हिडिओ इन्स्टाग्रामवर शेअर करण्यात आला असून त्यामध्ये महिलेच्या डोळ्याला दुखापत झाल्याचे सांगण्यात आले असून व्हिडिओमध्ये ती महिला व्हीलचेअरवर बसलेली असून तिच्या डोळ्यावर बँड ॲड असल्याचेही दिसत आहे. याशिवाय महिलेला पुढील उपचारासाठी रुग्णालयात नेण्यात आले आहे. पुढील उपचारासाठी महिलेला कोलकाता येथील एसएसकेएम रुग्णालयात नेण्यात आल्याचे वृत्त आहे.
Comments are closed.