जे श्रेयस, इशानसोबत झालं तेच रोहित, विराटला भोगावं लागणार, BCCI सेंट्रिल कॉन्ट्रॅक्टमधून हाकलणा
विराट कोहली रोहित शर्मा देशांतर्गत क्रिकेट खेळतो: सिडनी कसोटी सामन्यात जेव्हा टीम इंडिया ऑस्ट्रेलियाकडून पराभूत झाली, तेव्हा माजी क्रिकेटपटू सुनील गावसकर आणि इरफान पठाण यांनी भारतीय संघ व्यवस्थापनावर टीका केली होती. त्यांनी म्हटले होते की, जो खेळाडू फॉर्ममध्ये नाही, त्याला देशांतर्गत क्रिकेट खेळण्यास सांगितले पाहिजे. बीसीसीआयनेही बऱ्याच काळापूर्वी सर्व खेळाडूंसाठी देशांतर्गत क्रिकेट अनिवार्य केले आहे, परंतु रोहित शर्मा आणि विराट कोहली यांना त्यातून सूट देण्यात आली आहे.
दरम्यान, बीसीसीआयची एक आढावा बैठकी झाली. ज्यामध्ये स्पष्ट करण्यात आले आहे की, जर एखादा खेळाडू चांगला खेळला नाही तर त्याला संघातून काढून टाकण्यात वेळ वाया घालवला जाणार नाही. आढावा बैठकीनंतर असा अंदाजही वर्तवला जात आहे की जर विराट आणि रोहितने चॅम्पियन्स ट्रॉफीमध्ये चांगली कामगिरी केली नाही तर त्यांना संघातून वगळले जाऊ शकते.
बीसीसीआयने खेळाडूंना आंतरराष्ट्रीय क्रिकेटइतकेच देशांतर्गत क्रिकेटलाही महत्त्व देण्याची विनंती केली आहे. त्यामुळे रोहित आणि विराट देशांतर्गत सामन्यांमध्ये खेळतील की नाही हे जाणून घेण्यासाठी सर्वांच्या नजरा त्यांच्यावर आहेत. गेल्या वर्षीही दोन क्रिकेटपटूंसोबत असेच काहीसे घडले होते, जेव्हा बीसीसीआयने सांगितल्या नंतरही देशांतर्गत क्रिकेटमध्ये भाग न घेतल्याने श्रेयस अय्यर आणि इशान किशन यांना 2024 च्या केंद्रीय करार यादीतून वगळण्यात आले होते. आता प्रश्न असा आहे की, बीसीसीआय विराट आणि रोहितसोबतही असेच करू शकते का?
रोहित आणि कोहलीला वगळल्या जाणार का?
हिंदुस्तान टाईम्सच्या वृत्तानुसार, रोहित शर्मा आणि विराट कोहली रणजी ट्रॉफी सामन्यांमध्ये खेळले नाहीत तरी त्यांना श्रेयस अय्यर आणि इशान किशन सारखी वागणूक दिली जाणार नाही. सूत्रांनी दिलेल्या माहितीनुसार, जर विराटला खेळायचे असेल तर त्याला आधीच्या शैलीत फलंदाजी करावी लागेल, असा विचार बोर्डात करण्यात आला आहे. जर कोणताही खेळाडू वैद्यकीय किंवा फिटनेस अहवाल न देता देशांतर्गत क्रिकेट खेळला नाही, तर त्याला शिक्षा देखील होऊ शकते, असेही आढावा बैठकीत सांगण्यात आले.
ऑस्ट्रेलियामध्ये रोहित-कोहलीची खराब कामगिरी
रोहित आणि कोहलीच्या अलीकडील कामगिरीबद्दल बोलायचे झाले तर, बॉर्डर-गावसकर ट्रॉफीच्या 9 डावांमध्ये कोहलीला फक्त 190 धावा करता आल्या. पर्थमध्ये शतक झळकावूनही, कोहलीला मालिकेत संघर्ष करावा लागला आणि तो अनेकदा ऑफ-स्टंपच्या बाहेरचा बॉल खेळताना आऊट झाला. सर्वात वाईट कामगिरी कर्णधार रोहितची होती. त्याने 5 डावात 31 धावा केल्या. खराब फॉर्ममुळे त्याला शेवटच्या कसोटीला बाहेर बसावे लागले होते.
हे ही वाचा –
अधिक पाहा..
Comments are closed.