टीम इंडियाचा हेड कोच गौतम गंभीर आणि स्टार फलंदाज विराट कोहली यांच्यात तणाव असल्याच्या अफवा गेल्या काही दिवसांपासून सोशल मीडियावर पसरल्या होत्या. काहीजण म्हणत होते की दोघांमध्ये मतभेद आहेत आणि ते एकमेकांशी बोलत नाहीत. मात्र, भारतीय संघाच्या ड्रेसिंग रूममधून आलेल्या माहितीने या अफवांना पूर्ण विराम दिला आहे.
भारतीय संघाचे बॅटिंग कोच सितांशु कोटक यांनी स्पष्ट केले की, विराट कोहली आणि रोहित शर्मा दोघेही टीमच्या दीर्घकालीन योजना आणि आगामी विश्वचषकाच्या तयारीत पूर्णपणे सहभागी आहेत. कोटक म्हणाले, “दोघेही टीमसाठी सर्वोत्तम निर्णय घेण्यास कटिबद्ध आहेत. त्यांनी आपला अनुभव इतर खेळाडूंशी शेअर केला आहे आणि सतत रणनीतीबाबत चर्चा करतात.”
कोटक यांनी सांगितले की विराट कोहली आणि रोहित शर्मा गौतम गंभीरसोबत वनडे फॉर्मेटसाठी रणनीती बनवतात. “मी अनेकदा त्यांच्या चर्चेला ऐकतो. सोशल मीडियावर बऱ्याच गोष्टी दिसतात, पण वास्तविक ड्रेसिंग रूममधील वातावरण खूप सकारात्मक आहे,” असे कोटक म्हणाले.
गेल्या काही महिन्यांपासून कोहली, रोहित आणि नवीन कोचिंग स्टाफमधील समीकरणांबाबत चर्चा होत होती. मात्र, कोटक यांच्या विधानानंतर स्पष्ट झाले की दोघे अनुभवी खेळाडू संघासाठी पूर्णपणे समर्पित आहेत आणि कोणताही वाद नाही.
शिवाय, कोटक यांनी टी-20 विश्वचषकानंतर संघाच्या फलंदाजीतील बदलांविषयीही सांगितले. मार्चमध्ये टी-20 विश्वचषक संपल्यानंतर 34 ओव्हर नंतर नवीन चेंडू वापरण्याचे नियम लक्षात घेऊन संघाला आपल्या फलंदाजीवर पुन्हा काम करावे लागणार आहे. बदललेल्या परिस्थितीत 35 ते 50 ओव्हर दरम्यान गोलंदाजी करणाऱ्या संघाला दोन चेंडूंपैकी एक निवडण्याचा पर्याय असेल, असेही कोटक यांनी नमूद केले.
Comments are closed.