दक्षिण आफ्रिकेविरुद्धच्या पहिल्या वनडे सामन्यात विराट कोहलीने (Virat Kohli) इतिहास रचला. आंतरराष्ट्रीय क्रिकेटमध्ये नंबर 3 वर फलंदाजी करताना सर्वाधिक षटकार ठोकणारा खेळाडू म्हणून कोहली आता पहिल्या क्रमांकावर पोहोचला आहे. ही कामगिरी करत त्याने रिकी पाँटिंगचा (Riki Ponting) जागतिक विक्रम मोडला. पाँटिंगने आंतरराष्ट्रीय क्रिकेटमध्ये नंबर 3 वर फलंदाजी करताना 217 षटकार ठोकले होते. तर आता विराट कोहलीने नंबर 3 वर फलंदाजी करताना 218 षटकारांचा टप्पा पार केला आहे.
या यादीत तिसऱ्या क्रमांकावर कुमार संगकारा (Kumar Sangkara) आहे. त्याने नंबर 3 वर खेळताना 131 षटकार ठोकले आहेत.
नंबर 3 वर सर्वाधिक आंतरराष्ट्रीय षटकार:
218 – विराट कोहली (327 डाव)*
217 – रिकी पाँटिंग (540 डाव)
131 – कुमार संगकारा (468 डाव)
121 – केन विल्यमसन (353 डावीकडे)
106 – जॅक्स कॅलिस (283 डाव)
कोहलीने आपल्या वनडे कारकिर्दीतील 52वे शतकही झळकावले आहे. त्यामुळे तो एका आंतरराष्ट्रीय फॉरमॅटमध्ये सर्वाधिक शतके करणारा जगातील नंबर 1 खेळाडू ठरला आहे.
एका आंतरराष्ट्रीय फॉरमॅटमध्ये सर्वाधिक शतके:
52 – विराट कोहली (ODI)
51 – सचिन तेंडुलकर (कसोटी)
49 – सचिन तेंडुलकर (वनडे)
45 – जॅक्स कॅलिस (कसोटी)
41 – रिकी पाँटिंग (कसोटी)
सामन्याबद्दल बोलायचे झाले तर रविवारी JSCA इंटरनॅशनल स्टेडियमवर खेळल्या जाणाऱ्या पहिल्या वनडे सामन्यात दक्षिण आफ्रिकेने टॉस जिंकून गोलंदाजीचा निर्णय घेतला. भारतीय संघ या सामन्यात तीन स्पिनर्ससह उतरला आहे. तर दक्षिण आफ्रिकेने चार सीमर्स आणि एक स्पिनर अशी निवड केली आहे.
केशव महाराज (Keshav Maharaj) आणि टेंबा बावुमा (Temba Bavuma) या सामन्यात खेळत नाहीत. बावुमाच्या जागी एडन मार्करम (Aiden Markram) दक्षिण आफ्रिकन संघाचे नेतृत्व करत आहे.
Comments are closed.