पहा: दुसऱ्याच सामन्यात हॅट्ट्रिक घेऊन या गोलंदाजाने केले चमत्कार, पाकसाठी रचला इतिहास

पाकिस्तानी संघासाठी झिम्बाब्वेविरुद्ध डावातील 10वे षटक टाकण्यासाठी आलेल्या उस्मान तारिकने षटकाच्या दुसऱ्या चेंडूवर टोनी मुन्योंगाला नसीम शाहकरवी झेलबाद केले. यानंतर तिसऱ्या चेंडूवर ताशिंगा मुसेकिवा क्लीन बोल्ड झाला. त्यानंतर चौथ्या चेंडूवर वेलिंग्टन मसाकादझाला बाबर आझमने झेलबाद केले आणि त्यामुळे हॅट्ट्रिक पूर्ण झाली.

आंतरराष्ट्रीय टी-२० मध्ये हॅट्ट्रिक करणारा तो पाकिस्तानचा चौथा खेळाडू आहे. त्याच्या आधी फहीम अश्रफ, मोहम्मद हसनैन आणि मोहम्मद नवाज यांनी ही कामगिरी केली होती. 27 वर्षीय तारिकचा हा दुसरा टी-20 आंतरराष्ट्रीय सामना आहे.

नाणेफेक जिंकून प्रथम फलंदाजी करताना पाकिस्तानने ५ गडी गमावून १९५ धावा केल्या. यजमान संघाकडून बाबर आझमने 52 चेंडूत 74 धावा, साहिबजादा फरहानने 41 चेंडूत 63 धावा आणि फखर जमानने 10 चेंडूत नाबाद 27 धावा केल्या.

🚨 उस्मान तारिकने झिम्बाब्वेविरुद्ध त्याच्या दुसऱ्या T20 सामन्यात हॅटट्रिक घेतली! 🤯

T20I हॅट्ट्रिक घेणारा तो चौथा पाकिस्तानी गोलंदाज ठरला! 👏#PAKvWINTERpic.twitter.com/8YOjrAmazJ

— ICC एशिया क्रिकेट (@ICCAsiaCricket) 23 नोव्हेंबर 2025

प्रत्युत्तरात झिम्बाब्वेचा संघ 19 षटकांत सर्वबाद 126 धावांत आटोपला. ज्यामध्ये सर्वाधिक धावा करणाऱ्या रायन बर्लने 49 चेंडूत नाबाद 67 धावा केल्या.

पाकिस्तानचा हा सलग तिसरा विजय असून यासह संघाने अंतिम फेरी गाठली आहे.