'तुम्ही ट्रोलिंगला कसं सामोरे जाता?' केएल राहुलच्या उत्तरानं जिंकली चाहत्यांची मनं!

2025च्या चॅम्पियन्स ट्रॉफीमध्ये भारतीय संघाने आतापर्यंत एकही सामना गमावलेला नाही आणि यामुळेच भारत सेमीफायनलमध्येही पोहोचला आहे. भारतीय संघ या स्पर्धेतील आपला पुढचा सामना न्यूझीलंडविरुद्ध खेळेल. दरम्यान दोन्ही संघ (2 मार्च) रोजी दुबई येथे आमने-सामने असतील. या सामन्यापूर्वी, केएल राहुलने (KL Rahul) शुक्रवारी संध्याकाळी पत्रकार परिषदेत माध्यमांनी विचारलेल्या महत्त्वाच्या प्रश्नांची उत्तरे दिली.

या संभाषणादरम्यान, केएल राहुलला विचारण्यात आले की जेव्हा लोक त्याच्या स्ट्राइक रेट किंवा खराब कामगिरीसाठी त्याला ट्रोल करतात तेव्हा त्याला कसे वाटते. यावर राहुल म्हणाला, “मला ट्रोलिंगची सवय झाली आहे. मी संघासाठी जे सर्वोत्तम आहे ते करण्याचा प्रयत्न करतो. कधीकधी मी चुका करतो पण खेळाचे सौंदर्य हेच आहे.”

केएल राहुलला त्याच्या स्ट्राइक रेटमुळे चाहत्यांकडून अनेकदा लक्ष्य केले जाते. 2023च्या विश्वचषकातील फायनल सामन्यात राहुलने 107 चेंडूत 66 धावा केल्या आणि बरेच लोक त्याची खेळी भारताच्या पराभवाचे सर्वात मोठे कारण मानत होते.

त्याच वेळी, पत्रकार परिषदेत केएल राहुलने हे देखील स्पष्ट केले की कर्णधार रोहित शर्मा (Rohit Sharma) आणि वेगवान गोलंदाज मोहम्मद शमी (Mohammed Shami) यांना फिटनेसशी संबंधित कोणतीही समस्या नाही आणि दोघेही पूर्णपणे तंदुरुस्त आहेत. राहुलचा असा विश्वास आहे की न्यूझीलंडविरुद्धच्या सामन्यात भारताच्या प्लेइंग 11 मध्ये कोणताही बदल होण्याची शक्यता नाही.

महत्त्वाच्या बातम्या-

ऑस्ट्रेलिया-अफगाणिस्तान सामना अनिर्णित! ऑस्ट्रेलियाची सेमीफायनलमध्ये एँट्री
जॉस बटलरचा धक्कादायक निर्णय – इंग्लंडच्या कर्णधारपदाचा राजीनामा!
चॅम्पियन्स ट्रॉफीच्या एका सामन्यात सर्वाधिक अतिरिक्त धावा, कांगारू संघाचा लज्जास्पद रेकॉर्ड!