महाराष्ट्र राज्य सरकारी कर्मचाऱ्यांचा महागाई भत्ता ५८% कधी होणार? 3% डीए वाढीचे मोठे अद्यतन

DA Hike News : महाराष्ट्र राज्य सरकारी कर्मचाऱ्यांना पुन्हा एकदा महागाई भत्ता वाढीचा लाभ मिळणार आहे. राज्य सरकारी कर्मचाऱ्यांचा महागाई भत्ता लवकरच ५८ टक्के होणार असल्याची माहिती समोर येत आहे. सध्या राज्य सरकारी कर्मचाऱ्यांचा महागाई भत्ता ५५ टक्के असून तो आणखी तीन टक्क्यांनी वाढण्याची शक्यता आहे. अर्थात राज्य सरकारी कर्मचाऱ्यांचा महागाई भत्ता ५५ टक्क्यांवरून ५८ टक्क्यांपर्यंत वाढवला जाईल.

केंद्र सरकारच्या कर्मचाऱ्यांचा महागाई भत्ता दिवाळीपूर्वी ५५ टक्क्यांवरून ५८ टक्के करण्यात आला होता. महत्त्वाचे म्हणजे ही वाढ जुलै 2025 पासून लागू झाली. त्यानुसार देशभरातील विविध राज्यांतील राज्य सरकारी कर्मचाऱ्यांचा महागाई भत्ता केंद्रीय कर्मचाऱ्यांच्या 58% इतका वाढवण्यात आला. मात्र राज्य सरकारी कर्मचाऱ्यांच्या महागाई भत्त्यात अद्याप वाढ करण्यात आलेली नाही.

स्थानिक स्वराज्य संस्थांच्या निवडणुकीच्या आचारसंहितेमुळे महागाई भत्त्यात वाढ करण्याचा निर्णय लांबणीवर पडत असल्याचा दावा केला जात आहे. खरे तर दिवाळीपूर्वी महागाई भत्ता वाढीचा लाभ राज्यातील कर्मचाऱ्यांना मिळणे अपेक्षित होते. असा दावाही प्रसारमाध्यमांच्या वृत्तात करण्यात आला होता, मात्र सरकारने राज्य सरकारी कर्मचाऱ्यांच्या महागाई भत्त्यात वाढ करण्याचा निर्णय लांबवला आणि आता स्थानिक स्वराज्य संस्थांच्या आचारसंहितेमुळे हा निर्णय येत्या काळात लांबणीवर पडण्याची शक्यता वर्तवली जात आहे. दरम्यान, राज्य कर्मचाऱ्यांचा महागाई भत्ता नेमका कधी वाढणार याबाबत एक नवीन अपडेट समोर आले आहे.

डीए कधी वाढणार?

मिळालेल्या माहितीनुसार, महापालिका निवडणुकीचे निकाल जाहीर झाल्यानंतर लगेचच राज्य सरकारी कर्मचाऱ्यांच्या महागाई भत्त्यात वाढ करण्याचा निर्णय घेतला जाऊ शकतो. 15 जानेवारी 2026 रोजी महापालिका निवडणुका होणार असून, 16 जानेवारीला निकाल जाहीर होणार आहेत. म्हणजेच राज्य सरकारी कर्मचाऱ्यांच्या तीन टक्के डीए वाढीचा निर्णय 16 जानेवारीनंतर कधीही होऊ शकतो.

या अहवालानुसार डीए वाढीचा अधिकृत शासन निर्णय जानेवारी महिन्यात जारी करण्यात येणार असून याचा प्रत्यक्ष लाभ जानेवारी महिन्याच्या पगारासह म्हणजेच फेब्रुवारी महिन्यातील कर्मचाऱ्यांना मिळणाऱ्या पगारासह मिळणार आहे. दरम्यान, जुलै महिन्यापासून केंद्रीय कर्मचाऱ्यांच्या धर्तीवर राज्यातील कर्मचाऱ्यांना महागाई भत्ता वाढ लागू होणार असल्याने राज्य कर्मचाऱ्यांनाही महागाई भत्त्याच्या फरकाची भेट मिळणार आहे.

जुलै ते डिसेंबर दरम्यानच्या महागाई भत्त्याच्या फरकाची रक्कम राज्य कर्मचाऱ्यांच्या खात्यात वितरीत केली जाईल. मात्र महागाई भत्त्यात वाढ करण्याचा जीआर कधी जारी केला जाईल याची अधिकृत तारीख सरकारने अद्याप जाहीर केलेली नाही. यामुळे जानेवारीत महागाई भत्त्यात वाढ करण्याचा निर्णय सरकार प्रत्यक्षात घेते का, हे पाहणे उत्सुकतेचे ठरणार आहे.