अर्जुन तेंडुलकर गोलंदाजीचा वेग: सचिन तेंडुलकरचा मुलगा अर्जुन तेंडुलकर हा डावखुरा वेगवान गोलंदाज आहे आणि गरज पडल्यास फलंदाजीही करतो. त्याने आतापर्यंतच्या आपल्या प्रथम श्रेणी कारकिर्दीत 37 विकेट्स घेतल्या आहेत आणि 532 धावा केल्या आहेत. प्रथम श्रेणी सामन्यांमध्ये त्याच्या नावावर 1 शतक आणि 2 अर्धशतके आहेत. तो आयपीएलमध्ये मुंबई इंडियन्सकडूनही खेळला आहे, जिथे त्याचा इकॉनॉमी रेट 9 पेक्षा जास्त आहे. त्याच्या गोलंदाजीच्या गतीवर (Arjun Tendulkar Bowling Speed) नेहमीच टीका होत असते. पण असे नेमके काय कारण आहे, ज्यामुळे अर्जुन 145-150 किमी प्रतितास वेगाने गोलंदाजी करू शकत नाही?
पाकिस्तानी दिग्गज क्रिकेटपटू राशिद लतीफ यांनी काही काळापूर्वी आपल्या यूट्यूब चॅनेलवरून सांगितले होते की, अर्जुनला त्याच्या टेकनीकवर काम करण्याची खूप गरज आहे. लतीफ यांच्या मते, अर्जुन तेंडुलकरचे अलाइनमेंट योग्य नाही. अलाइनमेंट म्हणजे धावण्यापासून ते चेंडू टाकण्यापर्यंत तो आपल्या शरीराची स्थिती स्थिर ठेवू शकत नाही. यामुळे त्याला जास्त वेग मिळू शकत नाही, असे त्यांनी सांगितले. (Rashid Latif on Arjun Tendulkar)
दुसरे एक कारण म्हणजे अर्जुन तेंडुलकरची आर्म स्पीड (हाताचा वेग) जास्त नाही, ज्यामुळे तो फक्त सरासरी 130 किमी प्रतितास वेगाने गोलंदाजी करतो. अनेक माजी क्रिकेटपटूंनी त्याला बायोमेकॅनिक्समध्ये सुधारणा करण्याचा सल्ला दिला आहे. यामुळे त्याला योग्य अलाइनमेंट, धावताना योग्य लय आणि उडी घेण्यात मदत मिळेल, जे सर्व त्याला जास्त वेग मिळवून देण्यास उपयुक्त ठरेल. (Arjun Tendulkar Bowling Speed)
Comments are closed.