येत्या 5 जूनपासून महाराष्ट्र क्रिकेट असोसिएशन (MCA) तर्फे आयोजित करण्यात आलेल्या वुमेन्स महाराष्ट्र प्रीमियर लीग (WMPL) या महिलांच्या टी-20 फ्रेंचायझी क्रिकेट स्पर्धेच्या पहिल्या हंगामाला सुरूवात होणार आहे. पुण्याच्या गहुंजे येथील एमसीए इंटरनॅशनल स्टेडियमवर हे सर्व सामने पहायला मिळतील. (Women’s Maharashtra Premier League 2025)
सोलापूर, पुणे, रत्नागिरी, रायगड यांसारख्या प्रमुख शहरांचे प्रतिनिधित्व असलेले संघ मैदानात उतरणार आहेत. (MPL Teams 2025) 4 फ्रँचायझी संघांमध्ये रंगणाऱ्या या स्पर्धेत रायगड राॅयल्स संघाचाही समावेश आहे. भारताची आंतरराष्ट्रीय क्रिकेटपटू किरण नवगिरे (Kiran Navgire) या संघाची धुरा सांभाळताना दिसणार आहे. तिच्या नेतृत्वाखाली संघ डब्ल्यूएमपीएलच्या पहिल्या ट्राॅफीवर आपले नाव कोरण्याचा प्रयत्न करेल.
WMPL 2025 साठी रायगड राॅयल्सचे स्क्वाॅड पुढीलप्रमाणे (WMPL 2025: Full Squad of Raigad Royals team)
WMPL साठी रायगड राॅयल्सचा संघ- ईशा पठारे, भावना आहिरे, माधुरी आघव, अदिती गायकवाड, प्रज्ञा वीरकर, यशोदा घोगरे, किरण नवगिरे (कर्णधार), रोशनी पारधी, मेहक मुल्ला, श्रावणी देसाई, जान्हवी वीरकर, आयेशा शेख, अनन्या चव्हाण, मिहिका डिंगणगकर, संजीवनी पवार, अदिती वाघमारे, स्नेहा भांडारे, ऐश्वर्या वाघ
या स्पर्धेत एकूण 12 लीग सामने (5 ते 13) जूनदरम्यान खेळवले जाणार असून फायनल सामना (14 जून) रोजी रंगणार आहे.
या स्पर्धेच्या घोषणेवेळी MCA अध्यक्ष आ. रोहित पवार यांनी सांगितले की, “WMPL मुळे राज्यातील ग्रामीण भागातील प्रतिभावान महिला खेळाडूंना राष्ट्रीय स्तरावर पोहोचण्याचा मार्ग खुला झाला आहे. ही स्पर्धा केवळ टी-20 क्रिकेटपुरती मर्यादित नसून, महिला क्रिकेटचा पाया मजबूत करण्यासाठीचे एक ठोस पाऊल आहे.”
आंतरराष्ट्रीय क्रिकेट स्टेडियमवर मिळणार मोफत प्रवेश
या स्पर्धेतील सर्व सामने पुण्यातील गहुंजे येथील एमसीए इंटरनॅशनल स्टेडियमवर खेळवले जाणार आहेत. एमसीएचे अध्यक्ष आमदार रोहित पवार यांनी स्पष्ट केले की, सर्व प्रेक्षकांना स्टेडियममध्ये मोफत प्रवेश मिळेल. त्यामुळे जास्तीत जास्त संख्येने उपस्थित राहून आपल्या आवडत्या संघांना व खेळाडूंना प्रोत्साहन द्यावे. (Maharashtra Premier League 2025: Free Stadium Entry, Grand Drone Show at Opening Ceremony)
मोबाईलवर पाहता लाईव्ह येणार सामने
हे सर्व सामने JioHotstar या OTT प्लॅटफॉर्मवर आणि Star Sports 2 या टीव्ही वाहिनीवर थेट प्रक्षेपित केले जातील. त्यामुळे प्रेक्षकांना घरबसल्या देखील ही रोमांचक स्पर्धा पाहण्याची संधी मिळणार आहे. (Where to Watch MPL 2025: Live on Star Sports 2 and JioCinema)
Comments are closed.