यशस्वी जायसवालचं ऐतिहासिक शतक, इंग्लंडमध्ये पहिल्यांदाच खेळताना रचला मोठा विक्रम!

यशस्वी जयस्वालने इंग्लंडविरुद्धच्या पहिल्या कसोटी सामन्याच्या पहिल्या डावात शतक झळकावले. त्याने 144 चेंडूत आपले पाचवे कसोटी शतक पूर्ण केले. या शतकासह तो इंग्लंडच्या भूमीवर पहिल्या डावात शतक झळकावणारा पाचवा भारतीय फलंदाज बनला आहे. त्याच्या आधी सौरव गांगुलीसह 5 भारतीय फलंदाजांनी ही कामगिरी केली आहे.

इंग्लंडमध्ये खेळताना पहिल्या डावात शतक करणारा पहिला भारतीय फलंदाज विजय मांजरेकर होता, ज्याने 1952 मध्ये 133 धावा केल्या होत्या. त्याच्यानंतर संदीप पाटील, सौरव गांगुली आणि मुरली विजय यांनी अशी कामगिरी केली आहे. जयस्वाल यापूर्वीही पदार्पणाच्या कसोटीत शतक करणारा खेळाडू ठरला होता. त्याने त्याच्या कसोटी कारकिर्दीच्या पहिल्या डावात वेस्ट इंडिजविरुद्ध 171 धावांची शानदार खेळी केली.

भारत विरुद्ध इंग्लंडच्या पहिल्या कसोटी सामन्याबद्दल बोलायचे झाले तर, यशस्वी जयस्वालने केएल राहुलसोबत 91 धावांची सलामी भागीदारी केली. राहुल 42 धावा करून बाद झाला. याशिवाय जयस्वालने शुभमन गिलसोबत 129 धावांची भागीदारी केली. इंग्लंडमधील त्याच्या पहिल्या डावात त्याने 101 धावा केल्या, त्यादरम्यान त्याच्या बॅटमधून 16 चौकार आणि 1 षटकार लागला.