टीम इंडियाचा खेळाडू युझवेंद्र चहल आणि धनश्री वर्मा यांच्या घटस्फोट प्रकरणाबाबत एक मोठी अपडेट समोर आली आहे. धनश्री आणि चहलच्या घटस्फोटाची चर्चा बऱ्याच काळापासून सुरू होती. एका वृत्तानुसार, युझवेंद्र चहल आणि धनश्रीच्या घटस्फोटाचा निर्णय उद्या 20 मार्च रोजी येऊ शकतो. या मुद्द्यावर मुंबई उच्च न्यायालयाने कुटुंब न्यायालयाला निर्देश दिले आहेत. चहलला पोटगी द्यावी लागेल की नाही याबद्दलही अपडेट मिळाले आहे.
बार अँड बेंचच्या बातमीनुसार, मुंबई उच्च न्यायालयाने कुटुंब न्यायालयाचा निर्णय रद्द केला आहे. यामध्ये, हिंदू विवाह कायद्यांतर्गत घटस्फोटासाठी कूलिंग-ऑफ कालावधी माफ करण्याची चहल आणि धनश्रीची मागणी फेटाळण्यात आली. न्यायमूर्ती माधव जामदार यांच्या खंडपीठाने कुटुंब न्यायालयाला घटस्फोटाच्या याचिकेवर उद्या (20 मार्च) निर्णय घेण्याचे निर्देश दिले आहेत. यामध्ये, चहलचा आगामी आयपीएलमधील सहभाग देखील लक्षात ठेवला पाहिजे.
अहवालानुसार, चहल आणि धनश्रीमध्ये पोटगीबाबत एक करार झाला होता. याअंतर्गत, चहल धनश्रीला कायमस्वरूपी पोटगी म्हणून 4 कोटी 75 लाख रुपये देईल. त्याने आधीच 2.37 कोटी रुपये भरले आहेत. आता उर्वरित रक्कम कुटुंब न्यायालयाच्या निर्णयानंतर दिली जाईल.
चहल आणि धनश्रीचे डिसेंबर 2020 मध्ये लग्न झाले. पण त्यांचे संबंध फार काळ चांगले राहिले नाहीत. लग्नाच्या दीड वर्षानंतर चहल आणि धनश्री वेगळे राहू लागले. दोघेही जून 2022 पासून आतापर्यंत वेगळे राहत आहेत. या वर्षी 5 फेब्रुवारी रोजी घटस्फोटाचा अपील दाखल करण्यात आला. दोघेही परस्पर संमतीने घटस्फोट घेत आहेत.
धनश्री वर्माने खूप दिवसांपूर्वीच चहल अडनाव सोशल मीडियावरून काढून टाकले. (आधी तिने आपल्या नावापुढे चहल हे आडनाव जोडले होते.) यानंतर त्यांच्या घटस्फोटाची चर्चा सुरू झाली. चहलने काही महिन्यांपूर्वी धनश्रीसोबतचे फोटो इंस्टाग्रामवरून डिलीट केले होते. यानंतर घटस्फोटाची चर्चा पुन्हा सुरू झाली.
Comments are closed.