मेस्सी मॅजिक! अर्जेंटिना अंतिम फेरीत; एकही गोल न करता रचला वर्ल्ड रेकॉर्ड, जगातील सर्व बलाढ्य खेळाडूंनाही मागे टाकले

लिओनेल मेस्सीने फिफा विश्वचषकाच्या दुसऱ्या उपांत्य फेरीत अर्जेंटिनासाठी एकही गोल केला नाही. पण त्याच्या संघाने इंग्लंडविरुद्ध 2-1 ने विजय मिळवला. फुटबॉलमध्ये गोलला महत्त्व तर आहेच, पण जो गोलसाठी सहाय्य करतो त्याचेही योगदान मोलाचे मानले जाते. मेस्सीने या सामन्यात दोन्ही गोलांसाठी सहाय्य केले. एन्झो फर्नांडिस आणि लॉटारो मार्टिनेझ यांनी मेस्सीच्या पासवर गोल केले.

बाद फेरीच्या सामन्यांमध्ये विक्रम रचला

मेस्सी फिफा विश्वचषकाच्या बाद फेरीच्या सामन्यांमध्ये सर्वाधिक गोलसहाय्य करणारा खेळाडू बनला आहे. हा मेस्सीचा सहावा विश्वचषक आहे. आतापर्यंत त्याने 17 गोलमध्ये योगदान दिले आहे, ज्यात 7 गोल आणि 10 गोल सहाय्यचा समावेश आहे. 2010 मध्ये मेस्सीने बाद फेरीत मेक्सिकोविरुद्ध एका गोलसाठी सहाय्य केले होते. त्याने 2022 च्या विश्वचषकात ऑस्ट्रेलियाविरुद्ध आपला पहिला बाद फेरीतील गोल केला. त्याने 2022 आणि 2026 च्या विश्वचषकांमध्ये मिळून 13 नॉकआऊट गोलमध्ये योगदान दिले आहे.

किलियन एम्बाप्पेचा विक्रम मोडला

फ्रान्सचा स्टार खेळाडू किलियन एम्बाप्पे आतापर्यंत फक्त तीन फिफा विश्वचषकांमध्ये खेळला आहे. त्याने या सामन्यांमध्ये 15 गोलमध्ये योगदान दिले आहे. त्याने विक्रमी 12 गोल केले आहेत आणि तीन गोल सहाय्य केले आहेत. स्पेनकडून पराभूत झाल्यानंतर फ्रान्स उपांत्य फेरीतच स्पर्धेतून बाहेर पडला. ब्राझीलचे महान खेळाडू पेले यांनी फिफा विश्वचषकातील केवळ सहा नॉकआऊट सामन्यांमध्ये 10 गोलांमध्ये योगदान दिले आहे. ख्रिस्तियानो रोनाल्डो सहा विश्वचषकांमध्ये खेळला असून त्याने फक्त एका नॉकआऊट गोलचे योगदान दिले आहे.

मेस्सीची तिसरी फायनल

लिओनेल मेस्सीचा हा तिसरा अंतिम सामना असेल. 2014 च्या फिफा विश्वचषकानंतर मेस्सी 2022 च्या अंतिम सामन्यात अर्जेंटिनाकडून खेळला होता. अंतिम सामन्यात पोहोचण्याची ही त्याची तिसरी वेळ आहे. अर्जेंटिना आणि मेस्सीकडे सलग दुसऱयांदा फिफा विश्वचषक जिंकण्याची संधी आहे. यापूर्वी ब्राझीलने 1958 आणि 1962 मध्ये सलग दोनदा फिफा विश्वचषक जिंकले होते.

फिफा विश्वचषकाच्या बाद फेरीमध्ये सर्वाधिक गोल योगदान

खेळाडू देश समोर गोल मदत एकूण गोल योगदान

लिओनेल मेस्सी   अर्जेंटिना      16           7          10        17

कायलियन एमबाप्पे फ्रान्स १२ १२ ३ १५

पेले               ब्राझील          6            7         3         10