मुंबई : लोकभवन मुंबई येथे पार पडलेल्या एका छोटेखानी शपथविधी सोहळ्यात राज्यपाल जिष्णु देव वर्मा यांनी निवृत्त न्यायमूर्ती सुनील शुक्रे यांना लोकायुक्त अध्यक्षपदाची शपथ दिली. यावेळी मुख्यमंत्री देवेंद्र फडणवीस, उपमुख्यमंत्री एकनाथ शिंदे, उपमुख्यमंत्री सुनेत्रा पवार आणि विधानसभा अध्यक्ष ॲड. राहुल नार्वेकर उपस्थित होते. maharashtra new lokayukta
निवृत्त न्यायमूर्ती सुनील शुक्रे यांची लोकायुक्त अध्यक्षपदी नियुक्ती 2023 च्या नव्या महाराष्ट्र लोकायुक्त कायद्यानुसार करण्यात आली आहे. त्यांची नियुक्ती पाच वर्षांसाठी किंवा ते वयाची 70 वर्षे पूर्ण करेपर्यंत, यापैकी जे अगोदर असेल, त्या दिवशीपर्यंत असणार आहे.
सुनील शुक्रे यांच्याबद्दल सांगायेच झाले तर, त्यांचा जन्म 25 ऑक्टोबर 1961 रोजी झाला असून त्यांनी 1980 साली पुणे विद्यापीठातून पदवी प्राप्त केली आहे. त्यानंतर त्यांनी अमरावती येथील डॉ. पंजाबराव देशमुख विधी महाविद्यालयातून एलएलबी पूर्ण केले आणि नागपूर विद्यापीठातून घटनात्मक कायद्यात एलएल.एम. पदवी मिळवली. तसेच न्यायिक सेवेत त्यांनी विविध महत्त्वाच्या पदांवर काम केले आ
लोकायुक्त अध्यक्षांच्या जबाबदाऱ्याबद्दल बोलायचे झाले तर, सरकारी कर्मचाऱ्यांनी केलेल्या लाचलुचपत आणि भ्रष्टाचाराच्या आरोपांची चौकशी करणे, सर्वसामान्य जनतेच्या त्रासाचे निवारण करणे, राज्याचे मंत्री, आमदार आणि उच्चपदस्थ अधिकाऱ्यांविरुद्धच्या तक्रारींची दखल घेणे. तसेच जिल्हा परिषद, महापालिका आणि इतर स्थानिक संस्थांमधील गैरव्यवहारांची तपासणी करणे.
नवीन कायद्यानुसार, विशेष अटींच्या अधीन राहून मुख्यमंत्र्यांविरुद्धच्या तक्रारींची चौकशी करण्याचे अधिकार देखील लोकायुक्त अध्यक्षांना आहेत.
कोणतीही थेट तक्रार नसतानाही, वर्तमानपत्रातील बातम्या किंवा इतर माध्यमांद्वारे गैरव्यवहार समोर आल्यास स्वतःहून चौकशी सुरू करणे, कोणत्याही व्यक्तीला किंवा अधिकाऱ्याला हजर राहण्याचे आदेश देणे, तपासासाठी आवश्यक असलेले सरकारी रेकॉर्ड आणि पुरावे ताब्यात घेणे. आरोप सिद्ध झाल्यास दोषींवर कायदेशीर खटला भरण्याची किंवा त्यांना निलंबित करण्याची सरकारला शिफारस करणे, असे अधिकार लोकायुक्तांना असतात.
Comments are closed.