ऑफिसचे काम असो, ऑनलाइन शॉपिंग असो किंवा एखादा चित्रपट पाहायचा असो, लॅपटॉप आता आपल्या रोजच्या आयुष्याचा महत्त्वाचा भाग झाला आहे. त्यामुळे दिवसभर वापरल्या जाणाऱ्या लॅपटॉपच्या कीबोर्डवर धूळ, अन्नाचे कण आणि हातावरील तेल सहज जमा होते. कीबोर्ड खराब दिसू नये म्हणून अनेकजण तो घरीच साफ करतात. मात्र साफ करताना केलेली एखादी छोटी चूक लॅपटॉपसाठी महागात पडू शकते. म्हणूनच जाणून घेऊया लॅपटॉप कीबोर्ड साफ करताना कोणती काळजी घ्यावी.
थेट पाण्याचा वापर
कीबोर्डवर पाणी किंवा कोणतेही लिक्विड थेट स्प्रे करणे टाळा. द्रव आत गेल्यास कीजखालील इलेक्ट्रॉनिक भागांचे नुकसान होऊ शकते. त्यामुळे साफ करण्यासाठी लिक्विड वापरायचे असल्यास ते थेट कीबोर्डवर न टाकता योग्य कापडावर थोडेसे घ्या मग हलक्या हाताने पुसा.
जोरात घासू नका
कीबोर्डवरील डाग काढण्यासाठी जोरात घासणे किंवा कीजवर जास्त दाब देणे योग्य नाही. काही कीज नाजूक असतात आणि जास्त दबावामुळे त्यांची रचना किंवा काम करण्याची क्षमता बिघडू शकते.
व्हॅक्यूमचा वापर
कीबोर्डमधील धूळ काढण्यासाठी काहीजण घरातील शक्तिशाली व्हॅक्यूम क्लिनर वापरतात. मात्र त्याचा जास्त सक्शन कीबोर्डच्या छोट्या भागांना नुकसान पोहोचवू शकतो. त्यामुळे शक्यतो हलक्या हाताने धूळ काढण्याची पद्धत निवडा.
ते स्वच्छ करा
सर्वप्रथम लॅपटॉप बंद करून चार्जिंगमधून काढा. लॅपटॉप हलका उलटा करून अगदी सौम्यपणे टॅप करा, जेणेकरून सैल कण बाहेर पडतील. त्यानंतर मऊ, कोरड्या मायक्रोफायबर कापडाने कीबोर्ड पुसा. कीजच्या मधली धूळ काढण्यासाठी मऊ ब्रश किंवा इलेक्ट्रॉनिक्ससाठी योग्य एअर ब्लोअर वापरता येतो. साफ करताना कीबोर्डवर द्रव साचणार नाही याची काळजी घ्या.
रोज काही मिनिटे काळजीपूर्वक स्वच्छता केल्यास कीबोर्ड स्वच्छ आणि वापरण्यास सोयीस्कर राहू शकतो. सर्वात महत्वाचे म्हणजे लॅपटॉप बंद करूनच साफसफाई करा आणि कोणतीही पद्धत वापरण्यापूर्वी आपल्या लॅपटॉपवर दिलेल्या सूचना तपासा.
Comments are closed.