लिंबू लवकर सुकतात? जास्त दिवस ताजे ठेवण्यासाठी ट्रिक्स

स्वयंपाकघरात लिंबू असले की कधीही कोशिंबिरीला, सरबताला किंवा जेवणाची चव वाढवण्यासाठी त्यांचा उपयोग करता येतो. पण अनेकदा बाजारातून आणलेले लिंबू काही दिवसांतच सुकू लागतात, त्यांची साल आकसते आणि रसही कमी होतो. मग लिंबू फेकून देण्याची वेळ येते. तुमच्याही घरात असे होत असेल, तर लिंबू साठवण्याच्या या सोप्या ट्रिक्स जाणून घेऊयात.

1) लिंबू फ्रिजमध्ये ठेवा
लिंबू जास्त दिवस ताजे ठेवण्यासाठी ते फ्रिजमध्ये ठेवणे हा सोपा पर्याय आहे. लिंबू हवाबंद डब्यात किंवा झिप लॉक बॅगमध्ये ठेवून फ्रिजमध्ये ठेवा. यामुळे त्यातील ओलावा टिकून राहण्यास मदत होते आणि लिंबू लवकर सुकत नाहीत.

2) लिंबू धुणे
लिंबू खरेदी केल्यानंतर ते लगेच धुऊन साठवण्याऐवजी वापरण्यापूर्वी धुवा. लिंबांवर ओलावा राहिल्यास बुरशी येण्याची शक्यता वाढू शकते. धुतलेले लिंबू साठवायचे असल्यास ते पूर्णपणे कोरडे करा.

3) कापलेले लिंबू असे ठेवा
एखादे लिंबू अर्धे कापल्यानंतर उरलेला भाग उघडा ठेवू नका. तो छोट्या हवाबंद डब्यात ठेवून फ्रिजमध्ये साठवा आणि शक्यतो लवकर वापरा.

4) खराब लिंबू वेगळे ठेवा
लिंबांवर मऊ डाग, बुरशी किंवा कुजण्याची लक्षणे दिसल्यास ते इतर लिंबांपासून वेगळे करा. यामुळे इतर लिंबांचे नुकसान टाळण्यास मदत होते.

5) लिंबू खरेदी करताना…
लिंबू घेताना घट्ट साल असलेले, वजनाला जड आणि मऊ डाग नसलेले लिंबू निवडा. अशी लिंबू साधारणपणे अधिक रसदार असतात. सुरुवातीलाच ताजी लिंबू निवडल्यास ती जास्त काळ चांगली टिकण्यास मदत होते. या छोट्या टिप्स वापरून लिंबांचा ताजेपणा अधिक काळ टिकवता येईल.