राज्यात सध्या उन्हाचा कडाका चांगलाच वाढला असून काही ठिकाणी तापमान 45 अंश सेल्सिअसच्या पुढे गेले आहे. अशा तीव्र उष्णतेचा थेट परिणाम शरीरावर होऊन उष्माघात (Heatstroke) आणि डिहायड्रेशनसारख्या समस्या उद्भवू शकतात. त्यामुळे या काळात आरोग्याची योग्य काळजी घेणे अत्यंत गरजेचे ठरते. काही साध्या पण प्रभावी सवयी अंगीकारल्यास उन्हाळ्याचा त्रास मोठ्या प्रमाणात टाळता येऊ शकतो. (how to stay safe in extreme heat health tips)
1) भरपूर पाणी प्या
तहान लागण्याची वाट न पाहता दिवसातून 3-4 लिटर पाणी प्या. शरीर हायड्रेट ठेवणे हीच उष्णतेपासून बचावाची पहिली पायरी आहे.
2) नैसर्गिक पेयांचा समावेश करा
नारळ पाणी, ताक, लिंबू सरबत, कोकम यांसारखी पेये घेतल्यास शरीरातील इलेक्ट्रोलाइट्स संतुलित राहतात.
3) हलका आणि ताजा आहार घ्या
तेलकट, मसालेदार आणि जंक फूड टाळा. कलिंगड, काकडी, द्राक्षे यांसारखी पाणीदार फळे खा.
4) दुपारच्या उन्हात बाहेर पडणे टाळा
दुपारी 12 ते 4 या वेळेत शक्यतो घरातच राहा. अत्यावश्यक असेल तरच बाहेर पडा.
5) योग्य कपड्यांची निवड करा
फिकट रंगाचे, सैल आणि सुती कपडे वापरा. यामुळे घाम शोषला जातो आणि शरीर थंड राहते.
6) बाहेर पडताना संरक्षण करा
टोपी, रुमाल, छत्री आणि सनग्लासेसचा वापर करून सूर्याच्या तीव्र किरणांपासून स्वतःचे संरक्षण करा.
7) शरीर थंड ठेवा
दिवसातून दोनदा अंघोळ करा. बाहेरून आल्यावर लगेच थंड पाणी पिऊ नका, थोडा वेळ थांबा.
8) घरातील तापमान नियंत्रित ठेवा
खिडक्यांना पडदे लावा आणि संध्याकाळी हवा खेळती ठेवा.
9) उष्माघाताची लक्षणे ओळखा
तीव्र डोकेदुखी, चक्कर येणे, त्वचा लाल होणे, घाम न येणे ही लक्षणे दिसल्यास त्वरित डॉक्टरांकडे जा.
10) नियमित ब्रेक घ्या
उन्हात काम करणाऱ्यांनी दर 20-30 मिनिटांनी सावलीत विश्रांती घ्यावी आणि पाणी पिणे विसरू नये.
Comments are closed.