रोहित पवारांनी व्हिडीओ कॉल केला; जखम पाहिली आणि मला माफी मागायला सांगितली, नंतर म्हणाले तुम्ही

Gopichand Padalkar Worker Sharnu Hande: सोलापुरात भाजपचे आमदार गोपीचंद पडळकर (Gopichand Padalkar) यांच्या कार्यकर्त्यातं फिल्मी स्टाईल अपहरण झाल्याची घटना समोर आली. काही महिन्यांपूर्वी झालेल्या मारहाणीचा बदला घेण्यासाठी अपहरण करुन हत्येचा प्रयत्न केल्याची माहितीही आहे. अपहरणची माहिती मिळताच सोलापूर पोलिसांचे 4 पथक तात्काळ शोधासाठी रवाना करण्यात आले होते. काल रात्री 10 च्या सुमारास अमित सुरवसे आणि त्याच्या साथीदारांना पोलिसांनी ताब्यात घेतलं. शरणु हांडे (Gopichand Padalkar Worker Sharnu Hande) असे अपहरण झालेल्या गोपीचंद पडळकर समर्थकाचे नाव आहेत. तर अमित सुरवसे असे अपहरण करणाऱ्या आरोपीचे नाव आहे. या कार्यकर्त्याची भेट पडळकर यांनी घेतली यावेळी कार्यकर्त्यांने काय घडलं याबाबतची माहिती त्यांना दिली. यावेळी त्यांनी रोहित पवारांचं देखील नाव घेतलं आहे. रोहित पवार हे व्हिडीओ कॉलवर बोलत होते. तेव्हा मला सांगितलं अमित सुरवसेची माफी माग, मी नाही म्हणाल्यावर याला बघून घ्या असं रोहित पवार म्हणाले, असंं म्हणत शरणू हांडेंनी रोहित पवारांवर गंभीर आरोप केले आहेत.

शरणु हांडे यांनी पडळकरांशी बोलताना सांगितलं की, मला मारहाण करत होते, त्यांना फोन आला, मला घेऊन गेल्यानंतर दहा ते पंधरा मिनीटांनी व्हिडीओ कॉल आला. व्हिडीओ कॉलवर त्यांनी मला जखम वगैरे झालेली पाहिली, मला माफी मागायला सांगितली त्यांनी, मी माफी मागितली नाही. मला त्या अमितची माफी मागायला सांगितली, रोहित पवारांनी, ते मला बोलले माफी माग, मी त्यांना नाही सांगितलं, त्यानंतर त्यांनी म्हटलं, त्याला फार मस्ती आहे, तुम्ही पाहून घ्या आणि फोन कट केला.

अपहरण करणाऱ्यांपैकी तिघे जण मारायचं नाही म्हणत होते, ते तिघे जण निबांळ म्हणून स्टेशन आहे, तिथे उतरले, ते पुण्याचे होते बहुतेक, त्यांच्या भाषेवरून ते पुण्याचे वाटतं होते, तिघे मारू नका म्हणत होते, तर बाकीचे मारा म्हणत होते, अशी माहिती शरणु हांडे यांनी पडळकरांना दिली. अपहरण करणारे गाडीच्या बाहेर चर्चा करत होते, तिघे मारू नका म्हणाले, तर बाकी मारा म्हणत होते, पोलिसांमुळे मी वाचलो, पोलिसांनी चांगलं काम केलं. डोक्यात मारहाण झाली, थोडा मुक्कामार लागला आहे, अशी माहिती शरणु हांडे यांनी पडळकरांनी दिली.

नेमकं प्रकरण काय?

सोलापुरात भाजपचे आमदार गोपीचंद पडळकर (Gopichand Padalkar) यांच्या कार्यकर्त्याचे फिल्मी स्टाईल अपहरण झाल्याचा प्रकार समोर आला आहे. काही महिन्यांपूर्वी झालेल्या मारहाणीचा बदला घेण्यासाठी अपहरण करुन हत्येचा प्रयत्न केल्याची माहितीही समोर आली आहे. अपहरणची माहिती मिळताच सोलापूर पोलिसांचे 4 पथक तात्काळ शोधासाठी रवाना करण्यात आले होते. काल रात्री 10 च्या सुमारास अमित सुरवसे आणि त्याच्या साथीदारांना पोलिसांनी ताब्यात घेतलं. शरणु हांडे (Gopichand Padalkar Worker Sharnu Hande) असे अपहरण झालेल्या गोपीचंद पडळकर समर्थकाचे नाव आहेत. तर अमित सुरवसे असे अपहरण करणाऱ्या आरोपीचे नाव आहे.

संशयित आरोपी हा अमित सुरवसे यांने यापूर्वी आमदार गोपीचंद पडळकर यांच्या गाडीवर हल्ला केला होता. त्याचबरोबर अमित सुरवसे हा राष्ट्रवादीच्या शरद पवार गटाचा समर्थक असल्याचे सांगण्यात येत आहे. दरम्यान सोलापूर शहर पोलीस दलाच्या सतर्कतेमुळे गोपीचंद पडळकर यांच्या समर्थकाचा जीव थोडक्यात वाचला. रात्री 10 च्या सुमारास अमित सुरवसे आणि त्याच्या साथीदारांना पोलिसांनी ताब्यात घेतलं. यावेळी शरणु हांडे हा गंभीर अवस्थेत असल्याचे पोलिसांना लक्षात आल्याने त्याला तात्काळ सोलापुरात आणण्यात आलं आहे. दरम्यान, गोपीचंद पडळकर हे या प्रकरणात पोलिसांची आणि जखमी कार्यकर्त्याची भेट घेण्यासाठी सोलापुरातं सकाळी येणार असल्याची माहिती आहे.

आरोपी अमित सुरवसे याने 2021 साली गोपीचंद  पडळकर यांच्या गाडीवर दगडफेक केली होती. याचा बदला म्हणून काही दिवसांपूर्वी शरणु हांडे याने अमित सुरवसे याला मारहाण केल्याची प्राथमिक माहिती आहे. मारहाणीचा व्हिडीओ मोठ्या प्रमाणात वायरल झाल्यानंतर शरणु हांडे आणि अमित सुरवसे यांनी वाद मिटवून घेतला होता. पण अमित याने याच मारहाणीचा आणि अपमानाचा बदला घेण्यासाठी आपल्या मित्राच्या मदतीने शरणु याचे अपहरण केले. यासाठी त्याने सुरुवातीला पुण्यातून भाड्याने कार घेतली. मित्रासह तो सोलापुरात आला आणि शरणु हांडे याला घराजवळून शास्त्राचा धाक दाखवून अपहरण केलं.

https://www.youtube.com/watch?v=ts_xy6p36by

आणखी वाचा