मोठी बातमी: सतीश भोसले उर्फ खोक्याबाबत पोलिसांचा महत्त्वाचा निर्णय, बीड कारागृहातून हलवणार, आता

बीड गुन्हा : सतीश भोसले उर्फ खोक्याबाबत पोलिसांनी महत्त्वाचा निर्णय घेतला असून त्याला बीड कारागृहातून हलवणार आहेत .बीड जिल्हा कारागृहात बेकायदेशीररित्या गांजा आणत त्याच्या वाटणीवरून इतर कैद्यांसोबत वाद घालणाऱ्या सतीश भोसले उर्फ खोक्याला संभाजीनगर येथील हरसुल कारागृहात हलवण्यात आले आहे.

गांजा आणण्याबरोबरच त्याच्या वाटणीवरून वाद घालणाऱ्या या चौघांवर बीडच्या शिवाजीनगर पोलीस ठाण्यात गुन्हा दाखल करण्यात आला असून या प्रकरणाचा अधिक तपास पोलीस करत आहेत.. दरम्यान, या चौघांचा ताबा मिळावा यासाठी न्यायालयात अर्ज देखील करण्यात आलेला आहे.. तत्पूर्वीच कारागृह प्रशासनाने खबरदारीचा उपाय म्हणून खोक्याला हरसूल कारागृहात हलवले आहे.

नेमकं प्रकरण काय?

बीड जिल्हा कारागृहात अज्ञात व्यक्तीने गांजा भरलेला चेंडू फेकल्याचा प्रकार समोर आला होता .. चेंडूतील गांजा वाटपावरून कैद्यांमध्ये तुफान राडा झाला. कारागृहातील कर्मचाऱ्यांना जीवे मारण्याच्या धमक्या देण्यात आल्या. हा गांजा मागवणारा दुसरा तिसरा कुणी नसून सतीश भोसले उर्फ खोक्याच असल्याचं उघडकीस आलं .

बीड जिल्हा कारागृह कोणत्या ना कोणत्या कारणावरून सतत वादाच्या भोवऱ्यात असताना हा प्रकार घडल्याने मोठे खळबळ उडाली. अज्ञात व्यक्तीने शनिवारी सकाळी जिल्हा कारागृहात गांजा भरलेला चेंडू फेकला. याच गांजा वाटपावरून चार न्यायाधीन कैंद्यामध्ये जोरदार राडा झाला. यावेळी कारागृह कर्मचाऱ्यांनी धाव घेत कैद्यांच्या हातातील चेंडू ताब्यात घेतला. यावरून कैद्यांनी कर्मचाऱ्यांनाच जीवे मारण्याची धमकी देत पुन्हा राडा घातल्याचा धक्कादायक प्रकार समोर आला होता. या राड्यानंतर आता सतीश भोसले उर्फ खोक्याची रवानगी छत्रपती संभाजी नगरच्या हरसुल कारागृहात करण्यात आली आहे. काही दिवसांपूर्वीच सतीश भोसले चा जामीन मंजूर करण्यात आला होता. त्यानंतर घडलेल्या कारागृहातील गांजा प्रकरणामुळे सचिन भोसलेची रवानगी हरसुल कारागृहात करण्यात आली आहे.

खोक्याच्या कारणाम्याने जेल कारागृहाच्या सुरक्षेचा प्रश्न ऐरणीवर

मागील सहा महिन्यांपासून बीड जिल्हाकारागृह सतत कोणत्या ना कोणत्या कारणास्तव चर्चेत आहे. याच कारागृहात सरपंच देशमुख हत्या प्रकरणातील आरोपी वाल्मीक कराड आहे. या कारागृहात मोबाईल आणि अमली पदार्थ आढळून आले. बापू आंधळे खून प्रकरणातील आरोपींची हरसुल कारागृहात रवानगी करण्यात आली. आता याच कारागृहात एका कैद्याकडे मोबाईल आढळून आला. त्यानंतर सतीश भोसले उर्फ खोक्याचे अमली पदार्थ वाटपावरून वाद झाला. या प्रकरणात शिवाजीनगर पोलीस ठाण्यात गुन्हा दाखल आहे. सिनेस्टाईल पद्धतीने जेल बाहेरून एका रबरी बॉल मध्ये अमली पदार्थ टाकून तो जेलमध्ये फेकण्यात आला. आणि याच बॉल मधील अमली पदार्थ घेण्यावरून वाद झाला. हाच वाद सोडविण्यासाठी गेलेल्या कारागृह प्रशासनातील अधिकाऱ्यांना देखील धमकावण्यात आले..सतीश भोसले उर्फ खोक्याला देखील बाहेरील कारागृहात हलवले पाहिजे.. मोठ मोठ्या कारागृहात अशा गोष्टी होत असतात. मात्र बीड कारागृहात या गोष्टी पहिल्यांदाच होत असून गुन्हेगारीचा बादशाह हे सर्व घडवून आणत असल्याचा थेट आरोप बांगर यांनी यावेळी केला..

आणखी वाचा