स्वातंत्र्यदिनादिवशी धुळ्यात 8 वर्षांच्या चिमुरडीवर लैंगिक अत्याचार; संतप्त नागरिकांनी आरोपीचे

धुळे: शिरपूर तालुक्यात एका चिमुरडीवर लैंगिक अत्याचार झाल्याची घटना समोर आली आहे. काल शुक्रवारी (15 ऑगस्टच्या) दिवशी धक्कादायक घटना घडली आहे, या घटनेनंतर संतप्त नागरिकांनी आरोपीचे हॉटेल फोडले आहे. देशभरात स्वातंत्र्य दिनाचा जल्लोष सुरू असताना दुसरीकडे धुळे जिल्ह्यातील शिरपूर तालुक्यात 8 वर्षीय चिमुरडीवर झालेल्या लैंगिक अत्याचाराच्या घटनेने संतापाची लाट उसळली आहे. या प्रकरणी तालुका पोलिसांनी आरोपी अनिल काळे (वय 28, व्यवसाय – हॉटेल) याला ताब्यात घेतले असून त्याच्याविरोधात गुन्हा दाखल करण्यात आला आहे. घटनेची माहिती पसरताच संतप्त नागरिकांनी आरोपी अनिल काळे याच्या शिरपूर साखर कारखान्याच्या समोर असलेल्या हॉटेलची तोडफोड केली.

15 ऑगस्ट रोजीच आरोपीने 8 वर्षीय मुलीवर लैंगिक अत्याचार केला होता. घटनेचे वृत्त वाऱ्यासारखे पसरताच ग्रामस्थांमध्ये संताप उसळला. आरोपीवर तात्काळ कठोर कारवाई करून खटला फास्टट्रॅक कोर्टात चालवावा, अशी मागणी करण्यात आली आहे. आज सकाळी घटनास्थळी फॉरेन्सिक लॅबचे टिम दाखल झाले होते, यावेळी पोलीस उपविभागीय अधिकारी सुनील गोसावी सांगवी पोलीस ठाण्याचे पोलीस निरीक्षक जयपाल हिरे यांनी सदर घटनाची पाहणी केली. या घटनेनंतर संपूर्ण शिरपूर तालुका हादरून गेला आहे. संतप्त जमावाने आरोपीच्या हॉटेलची तोडफोड केली असून प्रकरणाचा पुढील तपास शिरपूर तालुका पोलीस करीत आहेत.

कोल्हापुरात तरूणीने त्रासाला कंटाळून संपवलं जीवन

बसमधील तरुणाच्या त्रासाला कंटाळून महाविद्यालयीन तरुणीने आत्महत्या केल्याची घटना घडली आहे. हातकणंगले तालुक्यातील किणी येथे ही घटना घडली आहे. या घटनेची नोंद पेठवडगाव पोलिसात करण्यात आली आहे. आत्महत्या केलेल्या मुलीला न्याय मिळावा यासाठी गावात निषेध मोर्चा देखील काढण्यात आला आहे. मिळालेल्या माहितीनुसार, बसमध्ये तरूण त्रास देत होता, त्या त्रासाला कंटाळून या तरूणीने घरामध्ये कोणी नसताना टोकाचं पाऊल उचलत जीवन संपवलं आहे.

अल्पवयीन मुलाच्या त्रासाला कंटाळून एका महाविद्यालयीन तरुणीने गळफास घेऊन आत्महत्या केली आहे. हातकणंगले तालुक्यातील किणी येथे ही घटना घडली. संबंधित अल्पवयीन तरुण बसमधून येत असताना त्रास देत असल्याचा प्रकार पीडित मुलीने आईला सांगितलेला होता. आईने पोलीस ठाण्यात तक्रार देण्याचा निर्णय घेतला होता. मात्र त्यानंतर आई घरात नसताना आलेल्या तरुणीने गळफास घेऊन आपलं जीवन संपवलं. आत्महत्येच्या या घटनेने संपूर्ण परिसर हादरला आहे. एकतर्फी प्रेमातून संबंधित तरुण त्रास देत असावा असे चर्चा परिसरात आहेत. पोलिसांनी याप्रकरणी अल्पवयीन मुलास ताब्यात घेऊन कोल्हापूर येथील बालसुधारगृहात पाठवलं आहे. पेठवडगाव पोलिसांत याप्रकरणी गुन्हा नोंद करण्यात आला आहे.  या घटनेनंतर ग्रामस्थांनी कॅन्डल मार्च काढून श्रद्धांजली वाहिली. बसमध्ये होत असलेल्या त्रासाला कंटाळून आत्महत्या केलेल्या मुलीला आणि कुटुंबाला न्याय मिळावा यासाठी निर्धार ही या मोर्चातून करण्यात आला.

आणखी वाचा