सिमेंट मिक्सर खाली चिरडून आणखी एक बळी; 11 वर्षांच्या मुलीचा मृत्यू; घटना सीसीटीव्ही कॅमेऱ्यात क

पुणे: पुण्यात वाहतुकीचं पालन न करता बेदरकारपणे वाहन चालवणाऱ्यांची संख्या मोठ्या प्रमाणावर वाढली आहे, मात्र यामुळे अनेकांना नाहक त्रास सहन करावा लागतो आहे, तर कधी यामध्ये बळी देखील जात आहेत. आय टी नगरी हिंजवडी परिसरातील रस्त्यावरून जड वाहनांना मनाई असताना, बेदरकारपणे सिमेंट मिक्सर चालवून झालेल्या अपघातात एका 11 वर्षीय मुलीचा मृत्यू झाला आहे, जड वाहनांना मनाई असलेल्या वेळेत बेदरकार मिक्सर ट्रकने दुचाकीला धडक दिली. यामध्ये दुचाकीवरील 11 वर्षीय मुलीचा मृत्यू झाला, तर तिची आई गंभीर जखमी झाली. ही घटना मंगळवारी (दि. 12ऑगस्ट) सायंकाळी साडेसहाच्या सुमारास हिंजवडी, फेज 2 येथील इन्फोसिस सर्कलजवळ घडली. आता या घटनेचा सीसीटीव्ही व्हिडीओ समोर आला आहे.

सिमेंट मिक्सर खाली चिरडून 11 वर्षीय मुलीचा मृत्यू, घटना सीसीटीव्ही कॅमेऱ्यात कैद#क्रिमहेन्यूज #प्यूनिन्यू #Accidednews pic.twitter.com/gh47yujqia

– अंकीता शांतीनाथ खाने (@khaneankita) ऑगस्ट 19, 2025

प्रत्युषा संतोष बोराटे (वय 11) असे मृत्यू झालेल्या मुलीचे नाव आहे, तर वैशाली बोराटे (35) जखमी झाल्या. या प्रकरणी सागर सुभाष आगलावे (रा. बुधवार पेठ, पुणे) यांनी बुधवारी (दि. 13ऑगस्ट) हिंजवडी पोलिस ठाण्यात फिर्याद दिली. मिक्सर ट्रकचालक फरहान मुन्नू शेख (25, रा. वाकड) याला अटक केली. हिंजवडी फेज 2 येथील इन्फोसिस सर्कल झालेल्या या अपघाताचा सीसीटीव्ही सुद्धा आता समोर आला आहे. या सीसीटीव्ही दृश्यात दुचाकीला धडक दिल्याचे दिसून येत आहे. या प्रकरणी मुलीच्या काकाने हिंजवडी पोलिसांत फिर्याद दिल्यानंतर मिक्सर ट्रक चालक फरहान मुन्नू शेख याला अटक केली आहे.  हिंजवडी परिसरात सकाळी 8 ते 12 आणि सायंकाळी 4 ते 9 या कालावधीत अवजड वाहनांना वाहतूक करण्यास मनाई असताना सुद्धा भरधाव वेगात फरहान शेखने मिक्सर ट्रक चालवला होता. या बाबतचा अधिक तपास हिंजवडी पोलीस करत आहेत.

व्हिडीओमध्ये काय दिसतंय?

या अपघाताच्या व्हिडीओमध्ये दिसत आहे की, रस्त्याच्या कडेला उभ्या असलेल्या दुचाकीला चिरडून  सिमेंट मिक्सर पुढे जाताना दिसत आहे. तो सिमेंट मिक्सर मायलेकींना चिरडून पुढे जातो, काही वेळात ही गंभीर घटना सर्वांना समजली, या घटनेमध्ये 11 वर्षांच्या मुलीचा मृत्यू झाला तर आई गंभीर जखमी झाली आहे.

आणखी वाचा