उपराष्ट्रपतीपदाच्या निवडणुकीत मतं फुटली, भाजपकडून ओमराजे निंबाळकरांवर आरोप, म्हणाले, ‘धन्यवाद..

धारशिव बातम्या: सोशल मीडियावर कधी काय चर्चेला येईल सांगता येत नाही. अशातच धाराशिवमध्ये एका पॉलिटिकल कॉम्पेनिंगची जोरदार चर्चा आहे. ‘धन्यवाद खा. ओम आम्हाला कळालं….’ असं म्हणत भाजपकडून शिवसेना ठाकरे गटाचे खासदार ओमराजे निंबाळकर (ओमरारा निम्बालकर)) यांच्या विरोधात हे सोशल मीडियावर कॅम्पेनिंग सुरू आहे. राजकीय विरोधक असलेल्या ओमराजे विरोधात भाजप आमदार राणाजगजीतसिंह पाटील (Ranajagjitsinha Patil)  यांच्या समर्थकांकडून हे कॅम्पेनिंग सुरू असल्याने राजकीय वातावरण ढवळून निघालं असून चर्चेला उधाण आलं आहे.

भाजपला या कॅम्पेनिंगमधून नेमकं म्हणायचंवाय तरी काय? याबाबत तर्कवितर्क लढवले जात आहेत. नुकत्याच झालेल्या उपराष्ट्रपती पदाच्या निवडणुकीत महाराष्ट्रातील महाविकास आघाडीची पाच मतं फुटल्याचा दावा श्रीकांत शिंदे यांनी केला होता. त्यानंतर धाराशिवमध्ये खासदार असलेल्या ओमराजे निंबाळकर यांच्या विरोधात भाजपकडून धन्यवाद खासदार ओम म्हणत सुरू केलेले कॅम्पेनिंग चर्चेत आहे. श्रीकांत शिंदे यांचा दावा आणि याचा काही संबंध आहे का ? अशीही एक चर्चा सुरू आहे. दरम्यान खासदार ओमराजे निंबाळकर यांच्याशी मात्र यावर बोलणं होऊ शकल नाही.

नवनिर्वातीत उपराष्ट्रपती सी. पी. राधाकृष्णन यांचा आज शपथविधी समारंभ

नवनिर्वातीत उपराष्ट्रपती सी. पी. राधाकृष्णन यांचा शपथविधी समारंभ आज राष्ट्रपती भवनात पार पडणार आहे. राष्ट्रपती द्रौपदी मुर्मू सीपी राधाकृष्णन यांना शपथ देतील. या सोहळ्याला कर्नाटकचे राज्यपाल थावरचंद गेहलोत, आंध्र प्रदेशचे मुख्यमंत्री एन. चंद्राबाबू नायडू, पंजाबचे राज्यपाल आणि चंदीगडचे प्रशासक गुलाबचंद कटारिया, झारखंडचे राज्यपाल संतोष गंगवार मध्य प्रदेशचे मुख्यमंत्री मोहन यादव हे उपस्थित राहणार आहेत. जगदीप धनखड यांनी अचानक पदाचा राजीनामा दिल्यानं उपराष्ट्रपतीपदाची निवडणूक पार पडली होती. त्यानंतर या पदासाठीच्या निवडणुका घेण्यात आल्या होत्या. यात महाराष्ट्राचे तत्कालीन राज्यपाल सी. पी. राधाकृष्णन यांना विजय झाला. तर इंडिया आघाडीच्या बी सुदर्शन रेड्डींचा पराभव झाला.

सीपी राधाकृष्णन विजयी

एनडीएचे उपराष्ट्रपती पदाचे उमेदवार सीपी राधाकृष्णन हे 152 मतांनी विजयी झाले आहेत. ते भारताचे 15 वे उपराष्ट्रपती बनले आहेत. उपराष्ट्रपती पदाच्या निवडणुकीत 781 मतदार मतदान करु शकत होते. मात्र 13 खासदारांनी मतदानाच्या प्रक्रियेपासून दूर राहण्याचा निर्णय घेतल्यानं 767 खासदारांनी मतदान केलं. यापैकी 15 मतं बाद ठरल्यानं 752 खासदारांची मतं मोजण्यात आली. यामध्ये 452 मतं उपराष्ट्रपती सीपी राधाकृष्णन यांना मिळाली. तर, 300 मतं बी. सुदर्शन रेड्डी यांना मिळाली.

इतर महत्त्वाच्या बातम्या

आणखी वाचा