तर माझ्याकडे बंगला, कार आहे; टी महान्ते, माझ्याकडे तुझ्यासारखे चार आहेत! गोविंद बार्गी आत्महत्या

बीड: बीडच्या गेवराई तालुक्यातील लुखामसला गावचे माजी उपसरपंच गोविंद जगन्नाथ बर्गे (वय 34) यांच्या मृत्यूप्रकरणाने आता वेगळेच वळण घेतले आहे. मंगळवारी बार्शी तालुक्यातील सासुरे गावात गोविंद बर्गे (Govind Barge Murder) यांचा मृतदेह आढळून आला होता. सुरुवातीला त्यांनी स्वत:च्या डोक्यात गोळी झाडून आत्महत्या (Suicide News) केली, असा अंदाज व्यक्त केला जात होता. गोविंद बर्गे यांचे पूजा गायकवाड (Pooja Gaikwad) या 21 वर्षांच्या नर्तकीशी प्रेमसंबंध होते. पोलिसांनी तिला अटक केली असून तिला तीन दिवसांची पोलीस कोठडी सुनावली आहे. यावेळी तिने तिच्या आणि गोविंद यांच्या प्रेमसंबंधाची कबुली दिली आहे. पूजा गायकवाड ही इन्स्टाग्रामवर बऱ्याचदा रिल्स शेअर करत असे. गोविंद बर्गे यांच्या मृत्यूनंतर तिचे सोशल मिडीयावरील रिल सध्या चर्चेचा विषय ठरत आहे.

माझ्याकडे बंगला, एक कार, पैसा, कीर्ती आहे

ज्या नर्तकी पूजा गायकवाड हिच्यावर गोविंद बर्गे यांनी लाखो रुपये उधळून देखील तिला गोविंद यांनी बांधलेला गेवराईतला बंगला नावावर करा यासाठी हट्ट धरला होता. त्यामुळे तिने गोविंद यांच्याशी बोलणे बंद केले होते याच नैराश्यातून गोविंद बर्गे यांनी आत्महत्या केली. आता जिच्यामुळे गोविंद यांनी आत्महत्या केली त्या पूजा गायकवाडचा व्हिडीओ सध्या व्हायरल झाला आहे. या व्हिडीओमध्ये एकजण पूजाला म्हणतो की, मेरे पास बंगला है, गाडी है, पैसा है, शोहरत है, तुम्हारे पास क्या है? त्यावेळी पूजा त्या व्यक्तीस उत्तर देते, मेरे पास तेरे जैसे चार है, असा एक व्हिडीओ सध्या व्हायरल झाला आहे.

पहाटे डोक्यात गोळी झाडून आत्महत्या

लुखमास्ला (टा. गावराई, जे. बीड) येथील माजी उपसरपंच गोविंद बर्गे यांनी ९ सप्टेंबर रोजी पहाटे डोक्यात गोळी झाडून आत्महत्या केल्याची धक्कादायक घटना सासुरे तालुका बार्शी येथे घडली होती. गोविंद बर्गे यांना आत्महत्येस प्रवृत्त केल्याप्रकरणी तुळजाभवानी कला केंद्र पारगाव ता. वाशी, जि. धाराशिव येथील नर्तकी पूजा गायकवाड हिच्यावर वैराग पोलिसात गुन्हा दाखल झाला. नर्तिकी पूजा हिला ताब्यात घेऊन वैराग पोलिसांनी न्यायालयात हजर केले असता तिला तीन दिवसांची पोलिस कोठडी मिळाली. या आत्महत्येप्रकरणी पुढील तपास सपोनि विश्वजित जगदाळे करीत आहेत.

मागील पाच ते सहा दिवसांपासून ते अधिक तणावात; मोबाईल बंद होता
मात्र माजी उपसरपंच गोविंद बर्गे यांच्या मित्र परिवारांनी शंका उपस्थित करत या प्रकरणाची योग्य चौकशीची मागणी केली. गोविंद बर्गे आत्महत्या करतील असं वाटत नाही. आम्ही रोज त्यांच्यासोबत होतो. हा ब्लॅकमेलिंगचा प्रकार असून उपसरपंच गोविंद बर्गे मानसिक तणावात होते. मागील पाच ते सहा दिवसांपासून ते अधिक तणावात होते. त्यांचा मोबाईल बंद होता. अशी माहिती त्यांच्या मित्र परिवारांना दिली. घटनेच्या ठिकाणी गेलो असता तेथे एक बाब निदर्शनास आली. मानसिक तणावाखाली येऊन ही घटना झाली. मागील पाच ते सहा दिवसांपासून त्यांचा कुणाशीही संपर्क नव्हता. त्यांचा फोनही लागत नव्हता. आणि त्यांचा कुणाशीही संवाद नव्हता. त्यामुळे आमच्या असं लक्षात येत हा घात आहे. या संपूर्ण प्रकरणाची सखोल चौकशीची मागणी गोविंद बर्गे यांच्या मित्र परिवाराने केली.

नेमकं प्रकरण काय?

गोविंद बर्गे यांना तमाशा बघण्याचा नाद होता. ते अनेक कला केंद्रात जायचे. दीड वर्षांपूर्वी गोविंद बर्गे यांची थापडीतांडा येथील कला केंद्रात नर्तकी असलेल्या पूजा गायकवाड हिच्यासोबत ओळख झाली. कालांतराने गोविंद आणि पूजा यांच्यात मैत्री आणि नंतर प्रेमसंबंध निर्माण झाले. गोविंद बर्गे हे पूजाला भेटण्यासाठी नियमितपणे पारगाव कला केंद्रावर जात होते. या दोघांचे प्रेमाचे नाते घट्ट झाल्यावर पूजा गायकवाड हिने गोविंद यांच्याकडून पावणेदोन लाखांचा मोबाईल फोन, सोन्याचे दागिने घेतले होते. गोविंद बर्गे यांनी पूजाच्या नातेवाईकांच्या नावावरही काही जमीन केली होती. परंतु, गेल्या काही दिवसांपासून या दोघांमध्ये काहीतरी बिनसले होते. पूजा गायकवाड हिने गोविंद यांच्याशी बोलणे टाकले होते. तिने गेवराईतील बंगला माझ्या नावावर करा आणि माझ्या भावाच्या नावावर पाच एकर शेती करा, असा हट्ट गोविंद बर्गे यांच्याकडे धरला होता. आपली मागणी मान्य न केल्यास मी तुमच्यावर बलात्काराचा गुन्हा दाखल करेन, अशी धमकीही पूजाने गोविंद बर्गे यांना दिल्याचे समजते. या सगळ्यामुळे गोविंद बर्गे प्रचंड दुखावले गेले होते. प्रेमात फसवणूक झाल्याने ते नैराश्याच्या गर्तेत ढकलले गेले होते.

गोविंद बर्गे हे पूजाला अनेकदा फोन करत होते. मात्र, ती त्यांचा फोन उचलत नव्हती, त्यांच्याशी एक शब्दही बोलत नव्हती. सोमवारी मध्यरात्री ते पूजा गायकवाड हिचं सासुरे येथील घरी आले होते. याठिकाणी दोघांमध्ये नेमके काय झाले, हे माहिती नाही. मात्र, दुसऱ्या दिवशी पूजा गायकवाडच्या घरापासून काही अंतरावर कारमध्ये गोविंद बर्गे यांचा मृतदेह मिळाला. कारचा दरवाजा लॉक करण्यात आला होता. पोलिसांनी कारचा दरवाजा उघडला तेव्हा आतमध्ये ड्रायव्हिंग सीटवर गोविंद बर्गे यांचा मृतदेह होता. त्यांनी डोक्याच्या उजव्या भागात कानशिलात गोळी झाडून घेतल्याचा प्राथमिक संशय पोलिसांना आहे. गोविंद बर्गे यांच्या डोक्याच्या उजव्या भागातून गोळी शिरुन डाव्या बाजूने बाहेर पडली, अशी माहिती पोलिसांकडून देण्यात आली.

आणखी वाचा