परीक्षेला निघालेल्या विद्यार्थिनीला कारनं उडवलं, अपघाताचा थरार सीसीटीव्हीत कैद, पुणे पोलिसांची

पुणे: परीक्षा देण्यासाठी महाविद्यालयात निघालेल्या विद्यार्थिनीला कारने (Pune Accident News) उडवलं आहे. पुण्याच्या मंचरमध्ये ही दुर्घटना घडलीये. अपघातात विद्यार्थिनीचा पाय फ्रॅक्चर झाला असून तिला गंभीर इजा ही झाल्या आहेत. २३ सप्टेंबरच्या सकाळी घडलेल्या अपघाताचा सीसीटीव्ही (CCTV) समोर आला आहे. या दृश्यांमध्ये कार चालकाची चूक असल्याचं स्पष्टपणे दिसून येतं आहे. मात्र विद्यार्थिनी बाईक वरुन पडल्यानं अपघात झाला असून आमच्याकडे कोणतीही तक्रार आली नाही, असं मंचर पोलीसांचं म्हणणं असल्यानं त्यांची भूमिका संशयास्पद असल्याचं ही स्पष्ट होतंय.(Pune Accident News)

मिळालेल्या माहितीनुसार, मंचर येथील अण्णासाहेब आवटे महाविद्यालयात परीक्षा देण्यासाठी निघालेल्या एका विद्यार्थिनीला भरधाव कारने जबर धडक दिल्याची घटना पिंपळगाव फाटा परिसरात घडली. या अपघातात ऋतुजा चंद्रकांत पारधी (वय १९, राहणार पिंपळगाव-खडकी) गंभीर जखमी झाली असून तिच्यावर सध्या मंचर येथील खासगी रुग्णालयात उपचार सुरू आहेत. मंगळवार, दि. २३ रोजी दुपारी स्वामी समर्थ मंदिराजवळ हा अपघात घडला आहे. सीसीटीव्ही कॅमेऱ्यात या भीषण धडकेचे स्पष्ट चित्र कैद झाले आहे. रसायनशास्त्राच्या प्रात्यक्षिक परीक्षेसाठी पायी जात असताना समोरून येणाऱ्या कारने ऋतुजाला जोरात ठोकरले. धक्क्याची तीव्रता एवढी होती की ती थेट सात-आठ फूट उंच हवेत फेकली गेली आणि नंतर रस्त्यावर आपटली. या धडकेत तिच्या डाव्या पायाला तसेच टाचेला गंभीर इजा झाली आहे. डॉक्टरांनी तिची प्रकृती स्थिर असल्याचे सांगितले.

हा अपघात सीसीटीव्ही कॅमेऱ्यात कैद झालेला आहे. तो क्षण भयावह होता. कारने जबर धडक दिल्यानंतर ऋतुजा सात-आठ फूट हवेत फेकली गेली आणि रस्त्यावर कोसळली. डाव्या पायाला व टाचेला गंभीर दुखापत झाली. रक्तबंबाळ झालेल्या अवस्थेत तिचा जीव धोक्यात आहे असे वाटत होते. पण डॉक्टरांनी तिची प्रकृती आता स्थिर असल्याचं सांगितलं आहे. धडकेनंतर वाहनचालक शरदराव शिंदे यांनी तातडीने तिला खासगी रुग्णालयात दाखल केले. मात्र दुसऱ्या दिवशी रात्रीपर्यंत या घटनेची कोणतीही फिर्याद मंचर पोलिस ठाण्यात नोंदवली गेली नव्हती.

आणखी वाचा