टीव्ही बंद करण्यावरून अन् डोळ्यात ड्रॉप टाकण्यावरून वाद; पोरानं स्वंयपाकघरातून चाकू आणला अन् बा

पुणे: कोथरूडमध्ये दसऱ्याच्या दिवशी बापाचा मुलाकडून खून (Kothrud Crime News) झाल्याची घटना समोर आली आहे. कोथरूड परिसरातील जय भवानीनगरमध्ये ही घटना घडली आहे.  दसऱ्यासारख्या सणासुदीच्या दिवशी कोथरूड परिसरात (Kothrud Crime News)  धक्कादायक घटना घडली आहे. जय भवानी नगरमध्ये एका मुलाने वडिलांचा चाकूने वार करून खून केला. या घटनेमुळे परिसरात एकच खळबळ उडाली आहे. खून झालेल्या व्यक्तीचे नाव तानाजी पायगुडे असे आहे, तर आरोपी मुलगा सचिन तानाजी पायगुडे (वय ३३) याला कोथरूड (Kothrud Crime News) पोलिसांनी ताब्यात घेतले आहे. या प्रकरणी तानाजी यांची पत्नी सुमन तानाजी पायगुडे यांनी कोथरूड पोलिस ठाण्यात फिर्याद दिली आहे.(Kothrud Crime News)

Kothrud Crime News: तोंडावर आणि गळ्यावर धारदार चाकूने वार

पायगुडे कुटुंब जय भवानी नगर येथील चाळ क्रमांक दोनमध्ये वास्तव्यास आहे. दसऱ्याच्या दिवशी, दुपारी साधारणपणे बारा वाजता सचिन हा माळ्यावर टीव्ही पाहत बसला होता. त्यावेळी वडील तानाजी यांनी त्याला “टीव्ही बंद कर आणि माझ्या डोळ्यात ड्रॉप टाक” असे सांगितले. यावरून दोघा बापलेकात वाद झाला. रागाच्या भरात सचिन याने वडिलांवर स्वयंपाकघरातील चाकू घेऊन हल्ला केला. त्याने वडील तानाजी यांच्या तोंडावर आणि गळ्यावर धारदार चाकूने वार केले. गंभीर जखमी झालेल्या तानाजी यांचा जागीच मृत्यू झाला.

Kothrud Crime News: सणाच्या दिवशीच घराघरात आनंदाचे वातावरण असताना घटना

घटनेची माहिती मिळताच कोथरूड पोलिस घटनास्थळी दाखल झाले आणि आरोपी मुलाला ताब्यात घेतले. त्याच्यावर खुनाचा गुन्हा दाखल करण्यात आला आहे. सणाच्या दिवशीच घराघरात आनंदाचे वातावरण असताना जय भवानी नगरमध्ये घडलेल्या या खुनाच्या घटनेने नागरिकांत मोठी खळबळ उडाली आहे. पोलिस अधिक तपास करत आहेत.

Kothrud Crime News: टीव्ही बंद करण्यावरून अन् डोळ्यात ड्रॉप टाकण्यावरून वाद

दसऱ्याच्या दिवशी दुपारी सुमारास बारा वाजता ही धक्कादायक घटना घडली. सचिन नावाचा तरुण माळ्यावर बसून टीव्ही पाहत होता. त्याचवेळी वडील तानाजी यांनी त्याला टीव्ही बंद करून त्यांच्या डोळ्यात ड्रॉप टाकण्यास सांगितले. या किरकोळ कारणावरून बापलेकात वाद निर्माण झाला. वाद वाढत गेल्यानंतर सचिन संतापला आणि स्वयंपाकघरातून चाकू आणून वडिलांवर धावून गेला. त्याने तानाजी यांच्या तोंडावर आणि गळ्यावर वारंवार धारदार चाकूने वार केले. या हल्ल्यात तानाजी गंभीर जखमी झाले आणि त्यांचा घटनास्थळीच मृत्यू झाला. घटनेनंतर परिसरात एकच खळबळ उडाली असून पोलिसांनी या प्रकरणी गुन्हा नोंदवून पुढील तपास सुरू केला आहे.

आणखी वाचा