नाशिक : सायबर ठगांनी आता लुटीचा नवीन मार्ग अवलंबण्यास सुरूवात केली असून डिजिटल अरेस्टच्या (डिजिटल अटक) माध्यमातून अनेकांनी लुटलं जातंय. नाशिकमध्येही असेच दोन प्रकार उघडकीस आले आहेत. त्यामध्ये एका ज्येष्ठ नागरिकाला 6 कोटींना लुटलं तर दुसऱ्या ज्येष्ठ नागरिकाला 72 लाखांचा चुना लावल्याचं समोर आले. आर्थिक गैरव्यवहार आणि अश्लील फोटो व्हायरल झाल्याचं सांगत डिजिटल अरेस्ट केलं आणि हे पैसे उकळले.
विशेष म्हणजे दोन्ही घटनेत भारताचे सरन्यायाधीश भूषण गवई यांच्या कोर्टात ऑनलाइन हजर करत असल्याचं भासवण्यात आलं आणि भीती दाखवून हे पैसे उकळण्यात आल्याचं समोर आलं. घाबरलेल्या नागरिकांनी आरटीजीएसच्या माध्यमातून पैसे भरण्यास भाग पाडलं.
डिजिटल अटक घोटाळा: अश्लील व्हिडीओ व्हायरल झाल्याचं सांगत 6 कोटींना लुटलं
नाशिकच्या गंगापूर रोड परिसरात राहणाऱ्या एका ज्येष्ठ नागरिकाला एक व्हिडीओ कॉल आला. त्याच्या सिमकार्डच्या माध्यमातून अश्लील फोटो, व्हिडीओ व्हायरल झाल्याचं त्याा सांगितलं. त्यामुळे सर्वोच्च न्यायालयात हजर करण्यात येणार असल्याचं सांगण्यात आलं. या प्रकारामुळे तो ज्येष्ठ नागरिक घाबरला. त्या परिस्थितीचा फायदा उचलून त्याला 6 कोटी रुपये ट्रान्सफर करायला भाग पाडलं. अशा पद्धतीने त्या नागरिकाला हातोहात 6 कोटींना लुटण्यात आलं.
ज्येष्ठ नागरिकांना लक्ष्य करणारे डिजिटल घोटाळा: क्रेडिट कार्डचा गैरव्यवहार झाल्याची भीती घातली
तर दुसऱ्या एका प्रकरणात ज्येष्ठ नागरिक असलेल्या अनिल लालसरे यांना 72 लाखांना गंडा घालण्यात आला. तुमच्या आधारकार्डवरून क्रेडिट कार्ड इशू झाले असून त्या माध्यमातून गैरव्यवहार झाला आहे अशी भीती त्याला घालण्यात आली. त्यामुळे 72 लाख रुपयांचा दंड भरला नाही तर सीबीआयचे पथक अटक करून दिल्लीला घेऊन अशी दमबाजी करण्यात आली. त्यामुळे अनिल लालसरे यांनी 72 लाख रुपये आरटीजीएस केले.
या दोन्ही प्रकरणी सायबर पोलिसांत गुन्हा दाखल करण्यात आला असून पोलीस तपास सुरू आहे.
ही बातमी वाचा:
आणखी वाचा
Comments are closed.