बळीचा बकरा…पार्थ पवार जमीन घोटाळा प्रकरणी निलंबित तहसीलदार सूर्यकांत येवलेंची पहिली प्रतिक्रि

पार्थ पवार जमिनीवर सूर्यकांत येवले पुणे : 1800 कोटींची जमीन उपमुख्यमंत्री अजित पवार (Ajit Pawar) यांचे पुत्र पार्थ पवारांच्या (Parth Pawar) कंपनीने केवळ 300 कोटींमध्ये घेतली तसंच यासाठी स्टँप ड्युटी म्हणून केवळ 500 रूपये मोजल्याचा आरोप विरोधकांकडून करण्यात येत आहे. यानंतर पुण्याचे तहसीलदार सूरर्यकांत येवले यांचं तडकाफडकी निलंबन करण्यात आलं आहे.

पुणे पार्थ पवार (Parth Pawar) जमिन घोटाळा प्रकरण तहसीलदार सूर्यकांत येवले (Suryakant Yeole) आणि हवेली क्रमांक-3 चे दुय्यम उपनिबंधक रविंद्र तारु यांना निलंबित करण्यात आलं आहे. अतिरिक्त मुख्य सचिव विकास खारगे यांच्या अध्यक्षतेत चौकशी समिती स्थापन करण्यात आली आहे. मुख्यमंत्री देवेंद्र फडणवीस (Devendra Fadnavis) यांनी याबाबत निर्देश दिले आहेत. मात्र आपण व्यवहार केलाच नाही, अशी प्रतिक्रिया निलंबित तहसीलदार सूर्यकांत येवलेंनी दिली. तसंच निलंबनाचा आदेशही आपल्याला मिळाला नसल्याचं येवलेंनी सांगितलं. एबीपी माझाशी बोलताना सूर्यकांत येवले यांनी सदर प्रकरणावर ही प्रतिक्रिया दिली.

पुण्याचे निलंबित तहसीलदार सूर्यकांत येवले काय काय म्हणाले? (Pune Tahsildar Suryakant Yeole)

माझा या प्रकरणाशी काहीही संबंध नाही. मी व्यवहार केलेला नाही, त्याबद्दल मला माहिती नाही. आमच्याकडून परवानगी दिली गेली नाही. महार वतनाची जमीन होती, तो काय व्यवहार झाला, दुय्यम निबंधकासोबत व्यवहार झालाय, त्याबद्दल मला माहिती नाही. निलंबनाचा मलाच अजून तो आदेश मिळालेला नाही. माझ्याकडे ती फाईल आलीच नाही, आमच्याकडून परवानगी दिली नाही, असं पुण्याचे निलंबित तहसीलदार सूर्यकांत येवले म्हणाले.

माझ्याकडून परवानगी दिली नाही- सूर्यकांत येवले (Suryakant Yeole On Parth Pawar Land Pune)

व्यवहार झालाय, दस्त झालाय तो सब रेजिस्टर संदर्भातील आहे. माझ्याकडून परवानगी दिली नाही, प्रस्तावीत केलं नाही. माझ्यावर केलेल्या कारवाईचे पत्र अजून मिळालं नाही, म्हणून बोलता येणार नाही. आदेश प्राप्त झालं नाही म्हणून बळीचा बकरा बनवलं का सांगता येणार नाही. आदेश प्राप्त झाल्याशिवाय मी बोलू शकत नाही. माझ्याकडे कुणीही माहिती मागवली नाही, काल तर सुट्टी होती. महसूल मंत्री चंद्रशेखर बावनकुळेंनी मला माझ्याकडे माहिती मागवली नाही. मी अजून दस्तच पाहिला नाही, म्हणून मी व्यवहार गैर म्हणू शकत नाही. माझ्याकडे ते कागदच आले नाहीत. माझा या प्रकरणाशी काहीही संबंध नाही, असं पुण्याचे निलंबित तहसीलदार सूर्यकांत येवले यांनी स्पष्ट केलं.

देवेंद्र फडणवीस काय म्हणाले? (Devendra Fadnavis On Parth Pawar)

सदर प्रकरणी मुख्यमंत्री देवेंद्र फडणवीस यांना विचारले असता या प्रकरणाच्या संदर्भात मी सर्व माहिती मागवलेली आहे. महसूल विभाग, आयजीआर, लँड रेकॉर्ड संदर्भातील सर्व माहिती मी मागवली आहे. या संदर्भातील योग्य ते चौकशीचे आदेश देखील मी दिलेले आहेत, असं म्हणाले. तसेच प्राथमिक चौकशीच्या आधारावर मी यासंदर्भात मी पुढे बोलेल. अद्याप माझ्याकडे पूर्ण माहिती आलेली नाही. प्राथमिक स्तरावर जे मुद्दे समोर येत आहेत ते मुद्दे गंभीर आहेत. त्यामुळे त्यावर योग्य प्रकारची माहिती घेऊनच बोलले पाहिजे. आज माझ्याकडे या संदर्भात माहिती येणार आहे. ती माहिती आल्यानंतर मी शासनाची पुढची दिशा काय? या प्रकरणात काय कारवाई होणार? या सर्व गोष्टी सांगितल्या जातील, असं देवेंद्र फडणवीसांनी स्पष्ट केले.

नेमकं प्रकरण काय? (Pune Parth Pawar Land)

1800 कोटींची जमीन पार्थ पवारांच्या कंपनीने केवळ 300 कोटींमध्ये घेतली तसंच यासाठी स्टँप ड्युटी म्हणून केवळ 500 रूपये मोजल्याचा आरोप शिवसेना ठाकरे गटाचे नेते अंबादस दानवे यांनी केला. महत्वाचं म्हणजे पार्थ पवारांनी कोरेगाव पार्कात आयटी पार्क आणि डेटा सेंटर उभारण्याची तयारीही चालवली, एक लाखाचे भांडवल असलेल्या कंपनीला हे कसे काय शक्य होते, असा सवाल अंबादास दानवेंनी उपस्थित केलाय. या व्यवहारासाठी उद्योग संचालनालयाने 48 तासात स्टॅम्प ड्युटीही माफ केली, तर केवळ 27 दिवसांत हा व्यवहार झाला असं अंबादास दानवे म्हणाले.

माझा या प्रकरणाशी काहीही संबंध नाही- तहसीलदार सूर्यकांत येवले, VIDEO:

संबंधित बातमी:

मोठी बातमी! पार्थ पवार जमीन घोटाळाप्रकरणी तहसीलदारांचे तात्काळ निलंबन, मुख्यमंत्र्यांचे आदेश

आणखी वाचा