चिमुकलीचा मावशीसोबत देवदर्शनाला जाण्याचा हट्ट शेवटचा ठरला; जळालेल्या कारमधून मृतदेह काढताच स्वा

पुणे: पुण्यातील नवले ब्रीज परिसरामध्ये गुरूवारी (ता १३) रोजी झालेल्या भीषण अपघाताच्या  (Pune Navale Bridge Accident) घटनेत एका तीन वर्षांच्या चिमुरडीचा दुर्दैवी मृत्यू झाला, ही चिमुरडी देवदर्शानाला जाणाऱ्या तिच्या मावशीच्या म्हणजेच स्वाती नवलकर यांच्या मागे लागूुन आली होती. मोशीतील पॅराडाईज वन सोसायटीतील रहिवासी हेमकुमार रेड्डी यांची तीन वर्षांची चिमुकली मुलगी मोक्षिता रेडी हिचा गुरुवारी (दि. १३) पुण्यात नवले पुलावरील कंटेनर अपघातात  (Pune Navale Bridge Accident)होरपळून मृत्यू झाला. रेड्डी आणि नवलकर कुटुंबाचे चांगले मैत्रीपूर्ण संबंध होते, रेड्डी कुटुंब नवलकर यांच्या घरी धायरीला गेले होते. त्याचदिवशी गुरुवारी स्वाती नवलकर यांनी देवदर्शनाला जाण्याचे नियोजन केले होते, त्यावेळी मोक्षिताने आपल्या मावशीसोबत जाण्याचा हट्ट करून स्वाती यांच्यासोबत गेली होती. देवदर्शनावरून येताना हा अपघात झाला. (Pune Navale Bridge Accident)

Pune Navale Bridge Accident : मोक्षिता मावशीसोबत जाण्याचा हट्ट करून गेली

मोशीतील रेड्डी कुटुंब नवलकर यांच्या धायरीतील घरी गेले होते. सकाळी हेमकुमार व स्वाती नवलकर यांचे पती कामाला गेले, त्यानंतर नवलकरांच्या पत्नी स्वाती यांनी देवदर्शनाला जाण्याचे नियोजन केले, त्यांनी सर्वांना चला असे म्हटले, परंतु नवलकरांची मुलगी नको म्हटल्याने मोक्षिता मावशीसोबत जाण्याचा हट्ट करून स्वाती यांच्यासोबत गेली. येताना दहा मिनीटांमध्ये घरी पोहोचतो असं स्वाती यांनी घरी फोन करून कळवलं होतं, मात्र या भीषण अपघातात सर्वांचा दुर्दैवी मृत्यू झाला.

नवलकर यांच्या घरी रेड्डी यांच्या पत्नी सुचिता, मुलगा आणि नवलकर यांचा मुलगा, मुलगी थांबले होते. सायंकाळी परताना दहा मिनिटांत घरी पोहोचतो, असे स्वाती यांनी फोन करून कळविले होते, परंतु त्यानंतर अपघात झाला. मूळचे आंध्र प्रदेशचे असलेले मोशीत राहणारे हेमकुमार हे खासगी कंपनीत नोकरीला आहेत. या घटनेनं सर्वत्र हळहळ व्यक्त होत आहे. अपघात झाल्यानंतर जेव्हा अग्निशमन दलाच्या जवानांनी जळालेल्या कारमधून मृतदेह बाहेर काढताना स्वाती यांनी त्या लहान मुलीला कवेत घेतलेले होते.

Pune Navale Bridge Accident : मला काही नकोय, माझी आई पाहिजे, मुलीची आर्त हाक

अपघातानंतरचा सर्वांत हृदयद्रावक क्षण म्हणजे, स्वाती नवलकर यांच्यासोबत असलेली त्यांच्या मैत्रिणीची मुलगी मोक्षिता रेड्डी (३) हिचा देखील या अपघातात दुर्दैवी मृत्यू झाला. अग्निशमन दलाच्या जवानांनी जळालेल्या कारमधून मृतदेह बाहेर काढताना स्वाती यांनी त्या लहान मुलीला कवेत घेतलेले होते. स्वाती यांच्या दहावीत शिक्षण घेत असलेल्या मुलीला मातृछत्र हरपल्याचे कळाल्याची बातमी कळताच, तिने ‘मला काही नाही पाहिजे, मला माझी आई पाहिजे असा फोडलेला आर्त टाहो संपूर्ण परिसर हेलावून टाकणारा होता. या घटनेनं हळहळ व्यक्त होत आहे.

Pune Navale Bridge Accident : दहा मिनिटांत पोहोचतो आहोत, असा शेवटचा फोन

दुसरीकडे, स्वाती नवलकर यांच्या दहावीत शिकणाऱ्या मुलीचा होता. केक आणि वाढदिवस त्याच दिवशी पावभाजीची तयारी करा, आम्ही दहा मिनिटांत पोहोचतो आहोत, असा शेवटचा फोन स्वाती यांनी कुटुंबीयांना केला होता; मात्र आनंदाचा दिवस एका भीषण शोकात बदलल्याने नवलकर कुटुंबिय व परिसरात शोककळा पसरली. स्वाती यांच्या पश्चात पती, मुलगा, मुलगी आणि अविवाहित बहीण असा परिवार आहे. या वेदनादायी घटनेने संपूर्ण वडगाव खुर्द परिसरात हळहळ व्यक्त होत आहे. तर कारचालक धनंजय कोळी यांना नुकतेच बाळ झाले होते. ते तीन महिन्याचे आहे, या कुटुंबाला घरी सोडल्यानंतर ते आपली पत्नी व बाळाला भेटायला जाणार होते; पण एका क्षणात त्यांच्या कुटुंबाचे सर्वस्व उद्ध्वस्त झाले.

आणखी वाचा