गौरी गर्जे आत्महत्येवर पंकजा मुंडे राज्याच्या पर्यावरण मंत्री पंकजा मुंडे यांचे स्वीय सहाय्यक अनंत गर्जे यांची पत्नी डॉ. गौरी पालवे गर्जे यांनी शनिवारी संध्याकाळी आत्महत्या केली होती. मुंबईच्या वरळी येथील राहत्या घरी गौरी पालवे गर्जे (Gauri Palve Garje) यांनी गळफास लावून आत्महत्या केली होती. मात्र, त्यांचा मृत्यू संशयास्पद असल्याचा आरोप गौरी गर्जे यांच्या कुटुंबीयांनी केला आहे. आमच्या मुलीने आत्महत्या (Suicide news) केली नसून तिची हत्या करण्यात आली आहे, असे गौरीच्या वडिलांनी म्हटले. त्यांच्या तक्रारीनंतर वरळी पोलिसांनी अनंत गर्जे, त्यांची बहीण शीतल गर्जे आणि भाऊ अजय गर्जे या तिघांविरोधात आत्महत्येस प्रवृत्त केल्याचा गुन्हा दाखल करण्यात आला आहे. अनंत गर्जे (Anant Garje) हे पंकजा मुंडे यांचे स्वीय सहाय्यक असल्याने या आत्महत्याप्रकरणामुळे राजकीय वर्तुळात उलटसुलट चर्चांना उधाण आले आहे. वरळी पोलिसांनी काल संध्याकाळी गौरी पालवे यांचा मृतदेह ताब्यात घेऊन केईएम रुग्णालयात शवविच्छेदनासाठी पाठवला होता. परंतु, त्यानंतर गुन्हा दाखल झाला नव्हता. काल रात्रीपासून गौरी गर्जे यांचे नातेवाईक वरळी पोलीस ठाण्यात ठाण मांडून बसले होते. त्यानंतर रविवारी सकाळी अनंत गर्जे आणि त्यांच्या कुटुंबीयांवर गुन्हा दाखल करण्यात आला होता. या पार्श्वभूमीवर आता पंकजा मुंडे (Pankaja Munde) यांच्या कार्यालयाकडून एक निवेदन प्रसिद्ध करण्यात आले आहे. (Mumbai crime news)
Pankaja Munde news: पंकजा मुंडे यांनी आपल्या निवेदनात नेमकं काय म्हटलं?
काल दिनांक 22 नोव्हेंबर 2025 रोजी संध्याकाळी 6.30 ते 6.45 वा. सुमारास माझा पी ए अनंतचा फोन माझ्या दुसऱ्या पीएच्या फोनवर आला. तो खूप रडत होता. पत्नीने आत्महत्या केल्याचे अत्यंत आक्रोशाने त्याने मला सांगितले. ही गोष्ट माझ्यासाठी ही खुप धक्कादायक होती. पोलिसांच्या कुठल्याही कारवाईमध्ये कसूर राहू नये व त्यांनी योग्य तपास करुन या विषयाला हाताळावे असे माझे म्हणणे आहे, तसे मी पोलिसांना देखील सांगितले आहे. गौरीच्या वडीलांशीही मी बोलले, ते प्रचंड दु:खात आहेत हे मी समजू शकते. अश्या घटना जीवाला चटका लावून जातात आणि मनाला सुन्न करतात. कोणाच्या अति वैयक्तिक जीवनात काय चालू असतं हे अनाकलनीय आहे. अचानक धक्कादायक अशी ही घटना घडली असल्याने मलाही अस्वस्थ वाटत आहे.
आणखी वाचा
आणखी वाचा
Comments are closed.