मुंबइ : महापालिकेच्या निवडणुका तोंडावर आल्या असताना काँग्रेस पक्ष फक्त मनसेला (मनसे) नवा भिडू म्हणून महाविकास आघाडीत समाविष्ट करुन घेण्यास तयार नाही. त्याचवेळी मतांची आकडेवारी पाहिल्यास, मनसेविना मुंबईत मविआचा खेळ जमणार नाही अशी म्हणण्याची वेळ आली आहे. 2024 च्या निवडणुकांची आकडेवारी बघितल्यास मनसेला सोबत घेतल्यास महाविकास आघाडीला मोठा फायदा होणार असल्याचं दिसून येतंय. मुंबई महापालिकेच्या (BMC निवडणूक) 2२७ पैकी 22 वॉर्डात मनसेच्या मतांचा मविआला थेट फायदा होईल असं चित्र आहे.
दिंडोशी, गोरेगाव, वर्सोवा, जोगेश्वरी पूर्व, विलेपार्ले, कलिना, भांडुप, घाटकोपर पश्चिम, अणुशक्ती नगर, चांदीवली, माहीम या विधानसभा मतदारसंघातील 22 वॉर्डात मनसेच्या मतांचा मविआला फायदा होऊ शकतो असा अंदाज आहे. त्यामुळे मनसेबाबत सकारात्मक नसलेल्या काँग्रेसला आपला विरोध बाजूला ठेवत मनसेला सोबत घ्यावं लागतंय की मनसेबाबत सकारात्मक असलेले उद्धव ठाकरे आणि शरद पवार दुसरी कोणती भूमिका घेणार हे पाहणं महत्वाचं ठरणार आहे.
BMC प्रभागात मनसेची सत्ता कोणत्या वॉर्डात मनसे किंगमेकर?
| विधानसभा मतदारसंघ 2024 | प्रभाग क्र. | भाजपा + शिंदे सेना | ठाकरे + काँग्रेस | मनसे |
|---|---|---|---|---|
| दिंडोशी Dindoshi | 39 | ६,९८७ | ६,९८५ | १,१८१ |
| दिंडोशी Dindoshi | 42 | ९,०३५ | ७,३७१ | २,९७२ |
| गोरेगाव Goregaon | ५१ | 11,131 | १०,०५५ | १,३३९ |
| गोरेगाव Goregaon | ५८ | १३,०४१ | ११,७७४ | १,६८३ |
| वर्सोवा वर्सोवा | ६१ | 11,267 | 11,111 | १,१६६ |
| जोगेश्वरी Jogeshwari (E) | ५३ | ७,५४२ | ७,५०२ | ७२७ |
| जोगेश्वरी Jogeshwari (E) | ७४ | १२,२७४ | १०,३९४ | 2,076 |
| विलेपार्ले | ८८ | ९,९३३ | ८,२९४ | ३,०११ |
| कलिना Kalina | ९१ | १०,१९१ | ९,७०९ | ७४० |
| वंदुप भांडुप (पू) | 109 | १०,०३९ | ५,९२७ | 2,863 |
| वंदुप भांडुप (प.) | 113 | १०,४८१ | ८,७८१ | 2,665 |
| घाटकोपर घाटकोपर (प.) | 123 | 11,051 | ९,३५० | ५,८८१ |
| घाटकोपर घाटकोपर (प.) | 124 | 11,159 | ११,०६१ | 2,208 |
| घाटकोपर घाटकोपर (पू) | 125 | १२,९८० | १०,४४६ | ५,१९६ |
| घाटकोपर घाटकोपर (प.) | 126 | ११,८४७ | १०,४४६ | ३,१०६ |
| घाटकोपर घाटकोपर (प.) | 127 | ९,९८८ | ७,२६९ | ४,३३९ |
| अणुशक्ती नगर Anushakti Nagar | 144 | 10,300 | ४,६७७ | ६,८५० |
| अणुशक्ती नगर Anushakti Nagar | 146 | ६,३४५ | ४,६१८ | ४,९४९ |
| अणुशक्ती नगर Anushakti Nagar | 148 | ६,६७२ | ४,६३२ | ४,४४६ |
| चांदिवली Chandivali | 161 | १७,५७५ | १५,१९९ | ३,८९७ |
| माहीम Mahim | १९० | ९,१९६ | ७,३२४ | ७,११५ |
| माहीम Mahim | १९२ | ९,३९९ | ६,१४६ | ६,३९२ |
ठाकरेंची ताकद वाढली
अर्थात ही आकडेवारी त्या विधानसभेतली आहे जेव्हा उद्धव ठाकरे आणि राज ठाकरेंची तोंडं दोन वेगवेगळ्या दिशेला होती. आता तर दोन्ही ठाकरेंची हातमिळवणी झाली आहे. त्यामुळे या आकडेवारीत महापालिका निवडणुकीत भर पडण्याची शक्यताच जास्त आहे. या समीकरणाचा फायदा घेण्यासाठी फक्त दोन ठाकरे एकत्र येणं पुरेसं नाही, तर मनसेला मविआत एन्ट्री मिळाली तर मतांची होणारी गोळाबेरीज महायुतीच्या चिंतेत भर घालणारी ठरू शकते.
जो मतांची गोळाबेरीज करण्यात यशस्वी ठरतो तोच निवडणूक जिंकतो. या आकड्यांची जुळवाजुळव करण्याच्या नादात किती अभद्र युत्या आणि आघाड्या जन्माला घातल्या हे महाराष्ट्राएवढं आणखी कुणीच जास्त अनुभवलं नसेल. आता प्रश्न हा आहे की बेरजेचं राजकारण करण्यासाठी कोणता पक्ष आपली मूळ विचारधारा आणि नैतिकतेची वजाबाकी करण्याची तयारी दाखवणार?
ही बातमी वाचा:
आणखी वाचा
Comments are closed.