Uddhav Thackeray Calls Prashant Jagtap : उद्धव ठाकरेंचा प्रशांत जगतापांना फोन, ऑफर स्वीकारणार

Uddhav Thackeray Calls Prashant Jagtap : उद्धव ठाकरेंचा प्रशांत जगतापांना फोन, ऑफर स्वीकारणार

एकनाथ शिंदे यांनी प्रशांत जगताप यांना काही वेळापूर्वीच फोन केल्याची माहिती समोर आली आहे.  मात्र प्रशांत जगताप यांनी शिंदेशी बोलणे टाळले असल्याचं समोर आलं आहे. शिवसेना पक्षात येण्याची एकनाथ शिंदे यांची प्रशांत जगताप यांना ऑफर होती का? अशी चर्चा राजकीय वर्तुळात रंगली आहे. एकनाथ शिंदे यांची शिवसेना, त्याचबरोबर उध्दव ठाकरे यांची शिवसेना देखील प्रशांत जगताप यांना आपल्या पक्षात घेण्यासाठी इच्छुक असल्याचं कळतंय मात्र, जगताप हे काँग्रेसच्या विचारधारेचे असल्याने ते काँग्रेसमध्ये पक्षप्रवेश करतील अशी शक्यता आहे.

Prashant Jagtap news: प्रशांत जगतापांना ठाकरेंची देखील ऑफर दिली, नेमकं काय घडलं?

या पक्षप्रवेशाबाबत एबीपी माझाशी बोलताना प्रशांत जगताप म्हणाले, मी उद्धव ठाकरे आणि सचिन आहिर यांचे आभार मानतो. माझ्यासारख्या छोट्या कार्यकर्त्याशी बोलायला त्यांनी वेळ दिला. या राज्यातील आक्रमक चेहरा आणि भाजपशी दोन हात करण्याची तयारी असलेला नेता माझ्याशी फोनवर बोलला. त्यांनी माझ्या भावना समजवून घेतल्या. तुम्ही आमच्या पक्षात काम करु शकता, असे त्यांनी सांगितले. मी भाजप किंवा महायुतीमधील तिन्ही पक्षांमध्ये कुठेही जाणार नाही. आज मी माझ्या राजकीय जीवनाचा योग्य तो निर्णय घेईन. पण मी उद्धव साहेबांचा कायम ऋणी राहीन. त्यांनी माझ्यासारख्या कार्यकर्त्याची योग्यता समजून घेतली. पण पुढील दोन-तीन तासांमध्ये माझा निर्णय होईल.

माझी लढाई ही संविधानासाठी आणि पुरोगामी चळवळीसाठी आहे. ती कुठल्याही एखादा नेता आणि पक्षाच्या विरोधातील आहे. त्यामुळे आज जे भाजप सरकारला आव्हान देऊ शकतात, महायुती सरकारला आव्हान देऊ शकता, अशा पक्षाची निवड मी करेन.