शिवसेनेच्या नवनिर्वाचित नगरसेविकेच्या पतीची निर्घृण हत्या; मंत्री भरत गोगावलेंचा खळबळजनक आरोप

खोपोली क्राईम न्यूज : रायगडमधील खोपोली नगरपालिकेच्या शिंदे सेनेच्या नगरसेविका मानसी काळोखे यांच्या पतीची आज (26 डिसेंबर) सकाळी 7 वाजता निर्घृण हत्या झाली. या प्रसंगी हल्लेखोरांना प्रत्यक्षदर्शी घटनास्थळाजवळ असलेल्या काही नागरिकांनी पाहिले असता जे हल्लेखोर काळया रंगाच्या वाहनातून आल्याची माहिती दिली आहे. मात्र हे आरोपी घटनास्थळावरून फरार (Khopoli Crime) झाले आहेत. खोपोली पोघेतलास या हल्लेखोरांचा शोध घेत असून मंगेश काळोखे यांच्या हत्येमागे नक्की कोणाचा हात आहे? याबाबतीत पोलिस अधिक माहिती घेत आहेत. याचदरम्यान, मंत्री आणि शिवसेना शिंदे गटाचे आमदार भरत गोगावले (Bharatshet Gogawale) यांनी एक धक्कादायक आरोप केला आहे.

Bharatshet Gogawale : पराभव जिव्हारी, हा सगळा खेळ राष्ट्रवादीनेच केला असावा

रायगडच्या खोपोलीमध्ये सकाळी शिंदे शिवसेनेच्या नवनिर्वाचित नगरसेविका मानसी काळोखे यांच्या पतीची निर्घृण हत्या करण्यात आली. या हत्येमागे राष्ट्रवादीच्या कार्यकर्त्यांचा हात असल्याचा आरोप मंत्री आणि शिवसेना शिंदे गटाचे आमदार भरत गोगावले यांनी केला आहे. खोपोलीमधील पराभव राष्ट्रवादीच्या जिव्हारी लागल्याच्या प्रकरणामुळेच ही हत्या झाली असल्याचा खळबळजनक आरोप सुद्धा भरत गोगावले यांनी केलाय. 21 तारखेला निवडणुक लागताच ही हत्या झाली, याचा अर्थ ही दुर्दैवी बाब असून हा सगळा खेळ राष्ट्रवादीनेच केला असावा, अशी माहिती त्यांनी यावेळी दिली आहे. दरम्यानपोलिसांनी या प्रकरणात लवकरात लवकर आरोपींना ताब्यात घ्यावी, अशी मागणीहे गोगावले यांनी केली आहे.

Khopoli Crime News : मुलाला शाळेत सोडून परत येताना घात झाला

मंगेश काळोखे हे माजी नगरसेवक म्हणून कार्यरत होते. आज सकाळी काळोखे आपल्या मुलाला शाळेत सोडायला गेले होते. मात्र परतताना त्यांच्यावर काही अज्ञातांना हल्ला चढवत निर्घृणपणे संपवलंय. हल्लेखोर हे एका काळ्या रंगाच्या गाडीतून आले होते. यावेळी त्यांनी तोंडाला रुमाल बांधल्याने त्यांची ओळख पटू शकली नसल्याचे उपस्थित प्रत्यक्षदर्शींनी सांगितलंय. सध्या पोलीस या घटनेचा अधिक तपास करत आहे. मात्र एकीकडे निवडणुकांची रणधुमाळी सुरु असताना दिवसाढवळ्या या हत्येच्या घटनेने खोपोली शहर हादरले आहे. मात्र या हल्ल्यामागे नेमकं कारण काय? हा हल्ला कुणी केला, या बाबत तपशील अद्याप कळू शकलेला नाही. त्यामुळे हल्लेखोरांना अटक केल्यानंतरच या घटनेचा उलगडा होणार आहे.

Khopoli Crime : दिवसाढवळ्या हत्येच्या घटनेनं खोपोली शहर हादरलं

घटनेची माहितीमिळताच खोपोली पोलिसांनी या हल्लेखोरांचा शोध सुरु केला असून अधिक तपास केला जात आहे. मंगेश काळोखे यांच्या हत्येमागे नक्की कोणाचा हात आहे, याबाबतीत पोलीस अधिक माहिती घेत आहेत. पुढे आलेल्या माहितीनुसार, मुलाला शाळेतून सोडून घरी परतत असताना काळोखे यांच्यावर हल्ला झाल्याची माहिती आहे. मात्र ऐन निवडणुकीच्या तोंडावर दिवसाढवळ्या हत्येच्या घटनेनं खोपोली शहर हादरले आहे. तर राज्याच्या राजकीय वर्तुळातही मोठी खळबळ उडाली आहे.

हे देखील वाचा

आणखी वाचा