बाळा नांदगावकर बीएमसी निवडणूक 2026 मुंबई: आगामी मुंबई महानगरपालिका निवडणुकीचा (BMC Election 2026) काल प्रचार थंडावला आहे. गेल्या अनेक दिवसांपासून सर्वंच राजकीय पक्षांनी प्रचाराचा धुरळा उडवला होता. आता उद्या म्हणजेच 15 जानेवारीला मुंबई महानगरपालिकेसाठी निवडणुका होणार आहे. तर 16 जानेवारीला निकाल जाहीर होईल.
मुंबई महानगरपालिकेच्या मतदानाआधी मनसेचे नेते बाळा नांदगावकर (Bala Nandgaonkar) यांनी भावनिक पोस्ट केली आहे. रात्र वैऱ्याची आहे, आता तरी जागा हो. उद्या होणाऱ्या महापालिका निवडणुकीत मतदान करताना फक्त 2 मिनिटे शांत चित्ताने विचार करा की ही निवडणूक किती महत्त्वाची आहे. यावेळी मराठी माणूस चुकला तर मग पुन्हा संधी नाही, असं बाळा नांदगावकरांनी पोस्टमध्ये म्हटलं आहे. तसेच ठाकरेंना जर सत्तेसाठी एकत्र यायचे असते तर ते कधीच आले असते. पण केवळ आपल्या माय मराठीसाठी आपल्या महाराष्ट्र धर्मासाठी ही लढाई किती महत्त्वाची आहे, हे जाणून ते नेक इराद्याने एक आले आहे, असंही बाळा नांदगावकरांनी सांगितले.
सर्व ताकद आपल्या माणसांसाठी लावा- बाळा नांदगावकर (Bala Nandgaonkar BMC Election 2026)
समोरील विरोधक बलाढ्य, धनदांडगे, सत्ताधारी असले तरी आपण एकीने , ठाकरेंच्या बरोबरीने लढलो तर आपण त्यांना हरवू शकतो. माझ्या एका मताने काय होईल असा विचार न करता मी अजून किती जणांना सांगू शकतो ते बघा आणि सर्व ताकद आपल्या माणसांसाठी लावा. ही विनंती केवळ मुंबईतील नागरिकांना नव्हे तर पूर्ण महाराष्ट्रातील नागरिकांना आहे. रात्र वैऱ्याची आहे पण या अंधार रात्रीनंतर जी आशेची किरण घेऊन येणारी सकाळ आहे ती सोनेरी आहे. मी महाराष्ट्रासाठी खारीचा वाटा उचलत आहे. तुम्हीही पुढे या, असं आवाहन बाळा नांदगावकरांनी केलं.
संबंधित बातमी:
आणखी वाचा
Comments are closed.