समरजीत घाटगे कधी करणार भाजपमध्ये प्रवेश? मंत्री चंद्रकांत पाटील यांनी सगळच सांगितलं

Chandrakant Patil on Samarjit Ghatge : कोल्हापूर (Kolhapur) जिल्ह्यातून एक मोठी बातमी समोर येत आहे. राष्ट्रवादी काँग्रेस शरद पवार पश्क्षाचे नेते समरजित घाटगे (Samarjit ghatge) हे पुन्हा एकदा भाजपमध्ये (BJP) प्रवेश करणार आहेत. समरजित घाटगे यांच्या भाजप प्रवेशाचा मुहूर्त अखेर ठरल्याची माहिती सूत्रांकडून मिळत आहे. दरम्यान, समरजित घाटगे यांच्या भाजप प्रवेशाबाबत भाजपचे नेते आणि मंत्री चंद्रकांत पाटील यांनी मोठं वक्तव्य केलं आहे. समरजीत घाटगे पुन्हा एकदा भाजपच्या ब्रॉड कोल्डमध्ये आलेले आहेत. पक्षप्रवेश ही फक्त टेक्निकल बाब आता राहिलेली आहे, ती पण लवकरच पूर्ण होईल असे चंद्रकांत पाटील म्हणाले.

नेमकं काय म्हणाले चंद्रकांत पाटील?

गेल्या अनेक दिवसापासून समरजीत घाटगे हे राष्ट्रवादी काँग्रेस शरद पवार पक्षाला रामाराम करुन भाजपमध्ये पक्ष प्रवेश करणार असल्याची चर्चा राजकीय वर्तुळात सुरु होती. अखेर ते भाजपमध्ये प्रवेश करणार असल्याचे निश्चित झाले आहे. कारण त्यांच्या प्रवेशाबाबत महत्वाची माहिती मंत्री चंद्रकांत पाटील यांनी दिली आहे. समरजीत घाटगे पुन्हा एकदा भाजपच्या ब्रॉड कोल्डमध्ये आलेले आहेत. पक्षप्रवेश ही फक्त टेक्निकल बाब आता राहिलेली आहे, ती पण लवकरच पूर्ण होईल असे चंद्रकांत पाटील म्हणाले. समरजीत घाटगे यांचे कार्यकर्ते जिल्हा परिषद, पंचायत समिती निवडणूक कमळ चिन्हावर लढवणार असल्याची माहिती चंद्रकांत पाटील यांनी दिली आहे. समरजीत घाटगे महायुतीच्या बैठकीला देखील उपस्थित होते.

विधानसभा निवडणुकीवेळी केला होता शरद पवार गटात प्रवेश

विधानसभा निवडणुकीत कागल मतदारसंघात महायुतीकडून हसन मुश्रीफ यांची उमेदवारी निश्चित झाल्यानंतर समरजित घाटगे यांनी भाजपला रामराम ठोकत राष्ट्रवादी काँग्रेस शरदचंद्र पवार पक्षात प्रवेश केला होता. मुश्रीफ यांच्या विरोधात त्यांनी थेट निवडणूक लढवली, मात्र या लढतीत त्यांना पराभवाचा सामना करावा लागला. या पराभवानंतर घाटगे यांची पुढील राजकीय भूमिका काय असेल, याकडे सर्वांचे लक्ष लागले होते. तर राज्यात स्थानिक स्वराज्य संस्थांच्या निवडणुकांची रणधुमाळी सुरू असताना अनेक ठिकाणी अनपेक्षित राजकीय युत्या पाहायला मिळाल्या. कोल्हापूर जिल्ह्यातील कागलमध्येही नगरपरिषद निवडणुकीदरम्यान अनेक वर्षांच्या राजकीय संघर्षानंतर मंत्री हसन मुश्रीफ आणि समरजित घाटगे एकत्र आल्याचे चित्र पाहायला मिळाले होते. कागल नगरपालिका निवडणुकीत वैद्यकीय शिक्षण मंत्री हसन मुश्रीफ आणि शाहू ग्रुपचे अध्यक्ष समरजिसिंह घाटगे यांच्या आघाडीने एकहाती सत्ता मिळवली आहे. कागल नगरपरिषदेत शिवसेना शिंदे गटाचा दारुण पराभव करत या आघाडीने 23 पैकी 23 जागा जिंकत पूर्ण ‘व्हाईट वॉश’ केला. याचबरोबर नगराध्यक्षपदी सविता प्रताप माने यांचा विजय झाल्याने कागलमधील दोन्ही नेत्यांच्या आघाडीवर मतदारांनी स्पष्टपणे विश्वास दाखवल्याची चर्चा राजकीय वर्तुळात सुरू आहे.

महत्वाच्या बातम्या:

Samarjit Ghatge Kolhapur: मोठी बातमी : समरजित घाटगेंची घरवापसी, फडणवीसांच्या उपस्थितीत भाजप प्रवेशाचा मुहूर्त अखेर ठरला

आणखी वाचा