काँग्रेस प्रवक्ते हनुमंत पवारांना मारहाण, पोलिसांनी तुषार दामगुडेची रिव्हॉल्व्हर जप्त केली अन्

पुणे : काँग्रेसचे प्रवक्ते हनुमंत पवार यांच्यावर हिंदुत्त्ववादी कार्यकर्ते तुषार दामगुडे आणि त्यांच्या साथीदारांनी हल्ला केल्याची घटना काल (सोमवारी, ता २३) सायंकाळी पाच वाजण्याच्या सुमारास मित्रमंडळ चौकाजवळ घडली. यावेळी पिस्तुलाचा धाक (Pune Crime News) दाखवून जीवे मारण्याची धमकी दिल्याचा आरोप हनुमंत पवार यांनी दामगुडे यांच्यावर केला आहे. दरम्यान, रात्री उशिरापर्यंत गुन्हा दाखल करण्याची प्रक्रिया सुरू होती. काँग्रेस प्रवक्ते हनुमंत पवार यांना मारहाण (Pune Crime News) केल्याप्रकरणी तिघांवर गुन्हा दाखल झाल्याची माहिती समोर आली आहे. तर हिंदुत्ववादी कार्यकर्ता तुषार दामगुडेसह तिघांविरुद्ध गुन्हा (Pune Crime News) दाखल केला आहे. तर तुषार दामगुडेजवळ असलेलं परवानाधारक शस्त्र पोलिसांनी जप्त केलं आहे. दामगुडे आणि इतरांना पोलिसांनी नोटीस देऊन सोडून दिल्याची माहिती समोर आली आहे. (Pune Crime News)

नेमकं काय घडलं?

हनुमंत पवार आणि तुषार दामगुडे एका वृत्तवाहिनीच्या कार्यक्रमासाठी आलेले होते. कार्यक्रम संपल्यावर सुरुवातीला दामगुडे बाहेर पडले. त्यानंतर फोनवर बोलत पवारही बाहेर येत होते. मित्रमंडळ चौकाजवळ आधीच फुटपाथवर बाहेर थांबलेल्या दामगुडे आणि त्यांच्या सहकाऱ्यांनी पवार यांना आवाज देऊन बोलावलं आणि त्यांच्याशी वाद घालायला सुरूवात केली.(Pune Crime News)

सुरूवातीला सुरू असलेल्या वादावादीचे रूपांतर हाणामारीत झाले. दामगुडे आणि त्यांच्या साथीदारांनी पवार यांना मारहाण केली. अचानक घडलेल्या प्रकारामुळे पवार संतापले. आपला बचाव करण्यासाठी कार्यालयाच्या सुरक्षारक्षकांकडे धावले. दामगुडे पिस्तुलाने धमकावत असल्याचे ते मोठ्याने सांगत होते. मात्र दामगुडे हे त्यांच्या सहकाऱ्यासह दुचाकीवरून तत्काळ निघून गेले.(Pune Crime News)

तर या घटनेबाबत बोलताना काँग्रेस प्रवक्ते हनुमंत पवार म्हणाले, दामगुडे यांनी माझ्यावर हल्ला (Pune Crime News) करण्यासाठी मित्रमंडळ चौकाजवळ आधीच कार्यकर्त्यांना बोलावून ठेवले होते. मी बाहेर आल्यावर त्यांनी मला पिस्तुलाचा धाक दाखवून धमकावलं. काँग्रेसचे प्रदेशाध्यक्ष हर्षवर्धन सपकाळ यांच्याबाबतही त्यांनी अपशब्द वापरत शिवीगाळ केली. दामगुडे आणि त्यांच्या सहकाऱ्यांनी मला मारहाण केली.

या घटनेची माहिती मिळताच काँग्रेसचे वरिष्ठ पदाधिकारी अॅड. अभय छाजेड, प्रशांत जगताप आणि कार्यकर्ते स्वारगेट पोलीस स्टेशनमध्ये गेले. पोलिस उपायुक्त मिलिंद मोहिते, पोलिस उपायुक्त (गुन्हे) निखिल पिंगळे, सहाय्यक पोलिस आयुक्त धन्यकुमार गोडसे, स्वारगेट पोलिस ठाण्याचे वरिष्ठ पोलिस निरीक्षक यशवंत निकम व त्यांचे कर्मचारी घटनास्थळी धाव घेतली.

आणखी वाचा