कुंबळे, पुजारा, पठाण, कैफ, रैनासह 8 जणांची सेमीफायनसाठी 4 संघ निवडलेले; फक्त 2 दिग्गजांची भविष्

T20 विश्वचषक 2026 उपांत्य फेरी: टी-20 विश्वचषकाच्या (T20 World Cup 2026) उपांत्य फेरीत दक्षिण आफ्रिका, न्यूझीलंड, इंग्लंड आणि भारत हे चार संघ पोहोचले आहेत. दक्षिण आफ्रिका आणि न्यूझीलंड यांच्यात 4 मार्चला कोलकाता येथे उपांत्य फेरीची लढत होणार आहे. तर, 5 मार्चला भारत आणि इंग्लंड यांच्यात मुंबईच्या वानखेडे स्टेडियमवर सामना होईल.

टी-20 विश्वचषकाआधी भारतीय क्रिकेट संघाच्या माजी खेळाडूंनी सेमीफायनलसाठी पोहोचणाऱ्या 4 संघांची नावं जाहीर केली होती. अनिल कुंबळे, चेतेश्वर पुजारा, इरफान पठाण, मोहम्मद कैफ, सुरेश रैना, आकाश चोप्रा, संजय बांगर, रॉबीन उथप्पा यांनी टी-20 विश्वचषक 2026 मधील सेमीफायनमध्ये पोहोचणाऱ्या 4 संघांची नावे सांगितली होती. मात्र यामधून रॉबीन उथप्पा आणि मोहम्मद कैफ यांचीच भविष्यवाणी खरी ठरली. (T20 World Cup 2026 Semifinal)

सेमीफायनलसाठी कोणी कोणते संघ निवडलेले?

1. अनिल कुंबळे- भारत, ऑस्ट्रेलिया, न्यूझीलंड, इंग्लंड.
2. चेतेश्वर पुजारा- भारत, ऑस्ट्रेलिया, न्यूझीलंड, इंग्लंड.
3. इरफान पठाण- भारत, ऑस्ट्रेलिया, न्यूझीलंड, इंग्लंड.
4. मोहम्मद कैफ- भारत, दक्षिण आफ्रिका, इंग्लंड, न्यूझीलंड.
5. सुरेश रैना- भारत, ऑस्ट्रेलिया, न्यूझीलंड, श्रीलंका.
6. आकाश चोप्रा- भारत, दक्षिण आफ्रिका, इंग्लंड, न्यूझीलंड.
7. संजय बांगर- भारत, दक्षिण आफ्रिका, इंग्लंड, न्यूझीलंड.
8. रॉबीन उथप्पा- भारत, दक्षिण आफ्रिका, इंग्लंड, न्यूझीलंड.

न्यूझीलंड आणि दक्षिण आफ्रिका यांच्यात आज पहिला उपांत्य फेरीचा सामना- (NZ vs SA Semifinal T20 WC 2026)

टी-20 विश्वचषकाचा पहिला उपांत्य सामना आज दक्षिण आफ्रिका आणि न्यूझीलंड (South Africa vs New Zealand) यांच्यात होणार आहे. हा ऐतिहासिक सामना कोलकात्यातील ईडन गार्डन्सवर भारतीय वेळेनुसार संध्याकाळी 7 वाजता सुरू होईल. एकीकडे, दक्षिण आफ्रिका स्पर्धेत अपराजित आहे आणि जेतेपदाचा प्रबळ दावेदार असल्याचे दिसून येते. दुसरीकडे, न्यूझीलंड त्यांच्या पहिल्या टी-20 विश्वचषकात दक्षिण आफ्रिकेला पराभूत करण्यासाठी मैदानात उतरेल.

टी-20 विश्वचषक 2026 संपूर्ण वेळापत्रक (T20 World Cup 2026 Semi Final Schedule)

संबंधित बातमी:

IND vs ENG Semifinal T20 World Cup 2026: अभिषेक शर्मा, अर्शदीप सिंग OUT, मोहम्मद सिराज IN…; इंग्लंडविरुद्धच्या सेमीफायनलसाठी अशी असेल टीम इंडियाची Playing XI

T20 World Cup 2026: भारत आणि इंग्लंड यांच्यातील उपांत्य फेरीचा सामना पावसानं रद्द झाल्यास अंतिम फेरीत कोण पोहोचणार? ICC चा नियम काय सांगतो?

आणखी वाचा