आता खेळ वळणार! सूर्य कुमार यादव आऊट, हार्दिक पंड्या इन… हे मुंबई इंडियन्सचे पीएल असेल

हार्दिक पांड्याने लेटेस्ट अपडेट परत केले: आयपीएल 2026 मध्ये मंगळवारी राजस्थान रॉयल्स आणि मुंबई इंडियन्स (RR vs MI IPL 2026) यांच्यात सामना रंगणार आहे. या सामन्यात सर्वांचे लक्ष हार्दिक पांड्याच्या फिटनेसकडे लागलेले असेल. कारण मागील सामन्यात तब्येत बिघडल्यामुळे तो खेळू शकला नव्हता. मुंबईने या हंगामाची सुरुवात विजयाने केली होती, मात्र मागील सामन्यात दिल्ली कॅपिटल्स विरुद्ध त्यांना पराभव पत्करावा लागला. आता त्यांच्यासमोर सध्या अजिंक्य असलेली राजस्थानची टीम उभी आहे. हार्दिकच्या अनुपस्थितीमुळे मुंबईला आपल्या संघरचनेतही काही बदल करावे लागले होते. त्याच्या अनुपस्थितीत सूर्यकुमार यादव याने संघाचे नेतृत्व केले होते.

दरम्यान, मुंबईचा पुढील सामना 7 एप्रिल रोजी राजस्थान रॉयल्स विरुद्ध गुवाहाटी येथे होणार आहे. या सामन्यापूर्वी मुंबईचे गोलंदाजी प्रशिक्षक पारस म्हाम्ब्रे याने हार्दिकबाबत माहिती देताना सांगितले की, तो पुढील सामन्यासाठी उपलब्ध असेल. तो जखमी नव्हता, तर अस्वस्थ होता. आता तो पूर्णपणे फिट असून त्याने नेट्समध्ये सरावही केला आहे.

पुन्हा कर्णधारपदाची धुरा हार्दिककडे…

हार्दिक पांड्या हा मुंबई इंडियन्सचा नियमित कर्णधार असल्यामुळे त्याच्या पुनरागमनानंतर तो पुन्हा संघाचे नेतृत्व करताना दिसणार आहे. त्याच्या अनुपस्थितीत संघाची जबाबदारी सूर्यकुमार यादव याने सांभाळली होती. मात्र, हार्दिक परतल्यावर सूर्यकुमारला प्लेइंग-11 मधून बाहेर बसावे लागू शकते. पण, सूर्यकुमार यादव इम्पॅक्ट सबस्टिट्यूट म्हणून संघात महत्त्वाची भूमिका बजावू शकतो. त्यामुळे मुंबई इंडियन्सच्या संघरचनेत पुन्हा एकदा मोठा बदल पाहायला मिळू शकतो.

हार्दिकशिवाय मुंबईला पराभव

दिल्ली कॅपिटल्सविरुद्धच्या सामन्यात हार्दिकच्या अनुपस्थितीत मुंबई इंडियन्सला 6 विकेट्सने पराभव स्वीकारावा लागला. याआधीच्या पहिल्या सामन्यात मात्र मुंबईने कोलकाता नाइट रायडर्स वर 6 विकेट्सने विजय मिळवला होता. त्या सामन्यात हार्दिकने कर्णधार म्हणून खेळताना नाबाद 18 धावांची खेळी केली होती. तसेच गोलंदाजीत 3 षटकांत 39 धावा देत 1 विकेट घेतली होती.

हार्दिक पांड्याचा आयपीएल प्रवास

हार्दिक पांड्याने आतापर्यंत आयपीएलमध्ये 153 सामने खेळले आहेत. या सामन्यांतील 141 डावांत त्याने 28.52 च्या सरासरीने आणि 147.02 च्या स्ट्राइक रेटने 2767 धावा केल्या आहेत. त्याच्या नावावर 10 अर्धशतके असून 91 धावा हा त्याचा सर्वोच्च स्कोर आहे. गोलंदाजीत 108 डावांत त्याने 32.03 च्या सरासरीने 79 विकेट्स घेतल्या आहेत. त्याचा सर्वोत्तम कामगिरी 5/36 अशी असून इकॉनॉमी 9.22 इतकी आहे.

हे ही वाचा –

Kevin Pietersen News : IPL मुळे माझं करिअर उद्धवस्त झालं…; RCBच्या माजी भिडूचा खळबळजनक गौप्यस्फोट; क्रिकेट विश्वात उडाली खळबळ, कोण आहे तो?

आणखी वाचा