पुणे : पुण्यातील हडपसर (Hadapsar) भागात सायबर फसवणुकीचा धक्कादायक प्रकार समोर आला आहे. शेअर बाजारात गुंतवणुकीचे आमिष दाखवत सायबर चोरट्यांनी 75 वर्षीय निवृत्त व्यावसायिकाला तब्बल 12 कोटी 31 लाख रुपयांचा गंडा घातला आहे. या प्रकरणी तक्रार दाखल करण्यात आली असून पोलिसांनी तपास सुरू केला आहे.
Pune Cyber Scam : मेसेजपासून सुरू झाला सापळा
तक्रारदारांना जानेवारी महिन्यात एका अनोळखी नंबरवरून “शेअर बाजारात गुंतवणूक करा आणि मोठा परतावा मिळवा” असा मेसेज आला. अधिक नफ्याच्या आशेने त्यांनी संवाद सुरू ठेवला आणि हळूहळू ते सायबर गुन्हेगारांच्या जाळ्यात अडकले.
WhatsApp Trap : VIP Stock 24 ग्रुपमधून विश्वास संपादन
यानंतर आरोपींनी त्यांना VIP Stock 24 नावाच्या व्हॉट्सॲप ग्रुपमध्ये जोडले. या ग्रुपमध्ये विविध गुंतवणूक योजना सांगून आणि बनावट आकडे दाखवून त्यांचा पूर्ण विश्वास संपादन करण्यात आला.
Cyber Fraud Amount : 3 महिन्यांत 12.31 कोटींची लूट
चोरट्यांनी वयोवृद्ध व्यावसायिकाला अवघ्या 11 दिवसांत 54 कोटी रुपयांचा परतावा मिळवून देण्याचे आमिष दाखवले. या आश्वासनाला बळी पडत तक्रारदाराने पुढील तीन महिन्यांत वेगवेगळ्या वेळेस 8 वेगवेगळ्या बँक खात्यांमध्ये पैसे ट्रान्स्फर केले. या काळात एकूण 12 कोटी 31 लाख रुपये लुबाडण्यात आले.
Cyber Fraud Complaint Filed : सायबर पोलिसांत तक्रार
कोट्यवधी रुपये उकळले पण प्रत्यक्षात कोणताही परतावा न मिळाल्याने फसवणूक झाल्याचं लक्षात येताच संबंधित व्यावसायिकाने सायबर पोलिस ठाण्यात तक्रार दाखल केली. या प्रकरणी पोलिसांकडून पुढील तपास सुरू आहे.
Cyber Alert : सायबर फसवणूक थांबण्याचे नाव नाही
अलिकडच्या काळात ज्येष्ठ नागरिकांसह तरुणांनाही लक्ष्य करत सायबर गुन्हेगार नव्या पद्धती वापरत आहेत. कमी वेळात जास्त नफा मिळवण्याच्या आमिषाला बळी पडून अनेकजण आपली बँकिंग माहिती, OTP आणि वैयक्तिक तपशील शेअर करतात.
Safety Tips : फसवणूक टाळण्यासाठी काळजी घ्या
- अनोळखी गुंतवणूक ऑफर्सवर विश्वास ठेवू नका.
- व्हॉट्सॲप/टेलिग्राम ग्रुपमधील “VIP” सल्ल्यांपासून सावध राहा.
- कोणालाही OTP, बँक डिटेल्स शेअर करू नका.
- गुंतवणूक करण्यापूर्वी अधिकृत स्रोतांवरून पडताळणी करा.
ही बातमी वाचा:
आणखी वाचा
Comments are closed.