आयपीएल २०२६मध्ये २६ एप्रिल रोजी झालेल्या ‘डबल हेडर’मधील पहिला सामना चेन्नई सुपर किंग्स आणि गुजरात टायटन्स यांच्यात खेळला जात आहे. या सामन्यात सीएसकेच्या बाजूने खेळणारा संजू सॅमसन फ्लॉप ठरला. गेल्या सामन्यात शतकी खेळी करणाऱ्या संजूकडून या सामन्यात मोठ्या अपेक्षा होत्या, पण तो फारशी कमाल करू शकला नाही. मात्र, असे असूनही त्याने एक नवा इतिहास रचला आहे.
संजू सॅमसन आयपीएलमध्ये चेंडूंच्या संख्येनुसार सर्वात वेगवान 5 हजार छापे पूर्ण करणारा भारतीय खेळाडू बनला आहे. यापूर्वी हा विक्रम सुरेश रैनाच्या नावावर होता. पण आता संजूने रैनाला मागे टाकत हा ऐतिहासिक टप्पा गाठला आहे.
संजूने आयपीएलमध्ये आपल्या ५ हजार धावा पूर्ण करण्यासाठी ३,५५५ चेंडूंचा सामना केला. याआधी सुरेश रैनाने ३,६२० चेंडूंमध्ये ५ हजार धावा पूर्ण केल्या होत्या. आता संजू चेंडूंच्या बाबतीत सर्वात जलद ५ हजार धावा करणारा भारतीय फलंदाज ठरला आहे.
या यादीत तिसऱ्या स्थानावर केएल राहुल आहे, ज्याने ३,६८८ चेंडूंमध्ये ५ हजार धावा पूर्ण केल्या होत्या. तर, एम.एस. धोनीने ३,६९१ चेंडूंमध्ये हा पराक्रम केला होता. रोहित शर्मा या यादीत पाचव्या क्रमांकावर असून त्याने ३,८१७ चेंडूंमध्ये आपल्या ५ हजार धावा पूर्ण केल्या होत्या.
गुजरात टायटन्स विरुद्ध खेळल्या जाणाऱ्या या सामन्यात संजू सुरुवातीपासूनच चांगल्या लयीत दिसला नाही. कागिसो रबाडा आणि मोहम्मद सिराज यांच्या गोलंदाजीवर तो चाचपडताना दिसला. अखेर १५ चेंडूत ११ धावा करून तो बाद झाला. कागिसो रबाडाने त्याला माघारी धाडले.
आयपीएल २०२६ मध्ये आतापर्यंत संजू सॅमसनने ८ सामन्यांच्या ८ डावांत ५०.६६ च्या सरासरीने ३०४ धावा केल्या आहेत. यादरम्यान त्याने २ शतके देखील झळकावली आहेत. संजू या हंगामात सीएसकेसाठी दमदार कामगिरी करत आहे.
Comments are closed.