'आप'मधून बाहेर पडलेले राज्यसभा खासदार हरभजन सिंग सुरक्षा हटवल्याप्रकरणी उच्च न्यायालयात पोहोचले

राज्यसभा खासदार आणि माजी क्रिकेटपटू हरभजन सिंग यांनी पंजाब आणि हरियाणा उच्च न्यायालयात धाव घेतली आहे. सुरक्षा हटवण्याबाबत त्यांनी न्यायालयात धाव घेतली आहे. त्यांची सुरक्षा का काढून टाकण्यात आली आणि ती पुन्हा बहाल करावी का, अशी याचिका त्यांनी न्यायालयात दाखल केली आहे.

मीडिया रिपोर्ट्सनुसार, या प्रकरणावर पुढील सुनावणी १२ मे रोजी होणार आहे. नुकतेच हरभनाज सिंह यांच्यासह आपचे सात राज्यसभा खासदार आम आदमी पार्टी सोडून भाजपमध्ये दाखल झाले आहेत.

पंजाब सरकारने राज्यसभा खासदार हरभजन सिंग यांची सुरक्षा काढून घेतली होती, त्यानंतर केंद्र सरकारने हस्तक्षेप केला होता. हरभजन सिंगला CRPF ने 'Y श्रेणी' सुरक्षा दिली आहे. त्यांच्याशिवाय राज्यसभा खासदार अशोक मित्तल यांनाही Y श्रेणीची सुरक्षा देण्यात आली होती.

आपचे राघव चढ्ढा, स्वाती मालीवाल, संदीप पाठक, विक्रमजीत सिंग साहनी, अशोक मित्तल, हरभजन सिंग आणि राजेंद्र गुप्ता यांनी पक्ष सोडण्याचा निर्णय घेतला. खुद्द राघव चढ्ढा यांनी ही माहिती दिली. हरभजन सिंग यांच्या घराबाहेरही आप कार्यकर्त्यांनी निदर्शने केली. यावेळी पुतळे जाळण्यात आले व घोषणाबाजी करण्यात आली. स्वाती मालीवाल वगळता इतर सहा जणांना आम आदमी पक्षाने पंजाबमधून राज्यसभेवर पाठवले होते.

'आप' सोडून भाजपमध्ये आलेल्या सर्व खासदारांच्या विलीनीकरणाला राज्यसभेच्या अध्यक्षांनी मंजुरी दिली आहे. आता राज्यसभेतील 'आप'च्या खासदारांची संख्या 10 वरून सात झाली आहे.

आपचे राज्यसभा खासदार संजय सिंह यांनी राघव चड्ढा आणि भाजपमध्ये सामील झालेल्या इतर खासदारांना अपात्र ठरवण्याची विनंती राज्यसभा अध्यक्षांकडे केली आहे. या खासदारांनी पक्ष सोडल्यामुळे सध्या पंजाबमधील राजकीय तापमान वाढत आहे.