पहिल्यांदाच ICC Women’s T20 World Cup खेळणाऱ्या संघाची घोषणा; सान्या खुरानाचाही 15 सदस्यांमध्ये समावेश

महिला क्रिकेटच्या जागतिक मंचावर नेदरलँड्सचा संघ नवा इतिहास रचण्यासाठी सज्ज झाला आहे. इंग्लंड आणि वेल्समध्ये 12 जूनपासून सुरू होणाऱ्या आयसीसी (ICC) महिला टी-20 वर्ल्ड कपसाठी नेदरलँड्सने आपल्या 15 सदस्यीय संघाची घोषणा केली आहे. जागतिक पात्रता फेरीच्या ‘सुपर सिक्स’ टप्प्यात सलग तीन विजय मिळवून नेदरलँड्सने पहिल्यांदाच या स्पर्धेत स्थान निश्चित केले आहे. या स्पर्धेत नेदरलँड्सला अ-गटात (Group A) हिंदुस्थान आणि ऑस्ट्रेलियासारख्या दिग्गज संघांसोबत स्थान मिळाले असून, त्यांच्या मोहिमेतील दुसराच सामना हिंदुस्थानशी (17 जून) होणार असल्याने चाहत्यांमध्ये मोठी उत्सुकता आहे.

संघाचे नेतृत्व अनुभवी बाबेट डे लीडे हिच्याकडे सोपवण्यात आले आहे. या ऐतिहासिक संधीबद्दल आनंद व्यक्त करताना कर्णधार म्हणाली की, जगातील सर्वोत्तम संघांविरुद्ध आमचे कौशल्य दाखवण्याची ही एक मोठी संधी आहे. ही स्पर्धा आमच्या घराजवळ म्हणजेच इंग्लंडमध्ये होत असल्याने मोठ्या संख्येने डच चाहते आम्हाला पाठिंबा देण्यासाठी येतील, अशी आम्हाला आशा आहे. ही स्पर्धा केवळ एक स्पर्धा नसून नेदरलँड्समधील महिला क्रिकेटसाठी आणि खेळाडूंच्या कुटुंबियांसाठी एक अविस्मरणीय अनुभव असणार आहे.

महिला टी-20 वर्ल्ड कप 2026 साठी नेदरलँड्सचा संघ पुढीलप्रमाणे आहे

बाबेट डी लीडे (टेनर), कॅरोलिन डी लॅन्गे, फ्रेडरिक ओव्हरडाइक, हन्ना लँडहीर, हेदर सिझर्स, आयरिस झ्विलिंग, इसाबेल व्हॅन डर वोनिंग, लारा लीमहुइस, मिर्थे व्हॅन डेन रॅड, फेबे मोल्केनबोअर, रॉबिन रिजके, रोसाली लॉरेन्स, सॅनरे ख्रिस, सॅनरे ख्रिस, स्केअर.