मनमोहन सिंग यांच्या काळात गुजरात मॉडेल, त्याचप्रमाणे तेलंगणामध्येही.., काय म्हणाले रेवंत रेड्डी

पंतप्रधान नरेंद्र मोदी तेलंगणा भेट: पंतप्रधान नरेंद्र मोदी रविवारी एका दिवसाच्या दौऱ्यासाठी कर्नाटक आणि तेलंगणामध्ये दाखल झाले होते. यावेळी त्यांनी बंगळूरुमध्ये एका सभेला संबोधित केले आणि हैदराबादमध्ये 9,4०० कोटी रुपयांच्या प्रकल्पाची पायाभरणी केली. त्यांनी हैदराबादला एक विशेष भेट दिली. हैदराबाद विमानतळावर काँग्रेसच्या अनेक वरिष्ठ नेत्यांनी आणि उच्च अधिकाऱ्यांनी त्यांचे स्वागत केले. यावेळी मुख्यमंत्री रेवंत रेड्डी हेही कार्यक्रमाच्या मंचावर उपस्थित होते. यावेळी मुख्यमंत्री रेवंत रेड्डी यांनी आपल्या भाषणावेळी केलेल्या वक्तव्याची सध्या जोरदार चर्चा रंगू लागली आहे.

Revanth Reddy : रेवंत रेड्डी म्हणाले, ‘पुढील 10 वर्षांत तेलंगणा मॉडेल तयार होईल’

यावेळी मंचावर एक विलक्षण दृश्य पाहायला मिळालं. पंतप्रधान मोदी मंचावर असताना मुख्यमंत्री रेवंत रेड्डी म्हणाले की, जेव्हा मनमोहन सिंग पंतप्रधान होते, तेव्हा नरेंद्र मोदी गुजरातचे मुख्यमंत्री होते. त्यांनी 10 वर्षांत देशासाठी गुजरात मॉडेल विकसित केले. आज तेलंगणाच्या लोकांच्याही तशाच अपेक्षा आहेत. आता ते पंतप्रधान झाल्यामुळे तेलंगणाच्या लोकांच्या त्यांच्याकडून तशाच अपेक्षा आहेत. ‘पुढील 10 वर्षांत, 2034 पर्यंत 1 ट्रिलियन डॉलरची अर्थव्यवस्था गाठण्यासाठी तेलंगणा मॉडेल तयार होईल.’ यावेळी रेवंत रेड्डी म्हणाले की, तेलंगणामध्ये देशाच्या एकूण लोकसंख्येच्या 3 टक्क्यांपेक्षा कमी लोकसंख्या आहे. आमचे ध्येय आहे की, जेव्हा पंतप्रधानांचे 30 ट्रिलियन डॉलरच्या अर्थव्यवस्थेचे स्वप्न साकार होईल, तेव्हा आम्ही देशाच्या जीडीपीमध्ये 10 टक्के योगदान देऊ.

पीएम मोदी: ‘आधुनिक कनेक्टिव्हिटी हे भारत सरकारचे प्रमुख प्राधान्य राहिले आहे’

पंतप्रधान मोदींनीही उपस्थितांना संबोधित केले. ते म्हणाले की, गेल्या 12 वर्षांपासून आधुनिक कनेक्टिव्हिटी हे भारत सरकारचे प्रमुख प्राधान्य राहिले आहे. रस्ते, रेल्वे किंवा विमानतळ अशा कनेक्टिव्हिटीच्या प्रत्येक माध्यमात गुंतवणूक केली जात आहे. ते म्हणाले की, केवळ राष्ट्रीय महामार्गांमध्ये अंदाजे 1.75 लाख कोटी रुपयांची गुंतवणूक करण्यात आली आहे. गेल्या 11 वर्षांत तेलंगणातील राष्ट्रीय महामार्गांचे जाळे दुप्पट झाले आहे.

पंतप्रधान मोदी म्हणाले की, आंध्र प्रदेशपासून वेगळे होण्यापूर्वी या प्रदेशाचे रेल्वे बजेट 1000 कोटी रुपयांपेक्षा कमी होते, परंतु आता एकट्या तेलंगणाचे रेल्वे बजेट अंदाजे 5,500 कोटी रुपये आहे. त्यांनी पुढे सांगितले की, राज्यात 50,000 कोटी रुपयांचे रेल्वे प्रकल्प सुरू आहेत.

हे सुद्धा वाचा:

आणखी वाचा