आयपीएल 2026 प्लेऑफ परिस्थिती: आयपीएल 2026 आता अखेरच्या टप्प्यात पोहोचलं असून प्लेऑफची शर्यत दिवसेंदिवस अधिकच रंगतदार होत आहे. आतापर्यंत 3 संघांनी प्लेऑफमधील आपली जागा निश्चित केली आहे, मात्र चौथ्या स्थानासाठी अजूनही जबरदस्त संघर्ष सुरू आहे. राजस्थान रॉयल्स, पंजाब किंग्स, कोलकाता नाईट रायडर्स आणि दिल्ली कॅपिटल्स या चार संघांमध्ये शेवटच्या एका जागेसाठी थरारक लढत सुरू आहे. लीग स्टेजमधील आता अवघे 4 सामने बाकी असल्याने प्रत्येक चेंडू आणि प्रत्येक रन महत्त्वाचा ठरणार आहे. त्यामुळे चाहत्यांमध्येही प्रचंड उत्सुकता निर्माण झाली आहे. चला तर मग जाणून घेऊया प्लेऑफचे संपूर्ण समीकरण…
राजस्थान रॉयल्ससाठी सर्वात सोपं समीकरण
या हंगामात राजस्थान रॉयल्सने दमदार कामगिरी केली आहे. संघाने 13 सामन्यांपैकी 7 विजय मिळवत 14 गुणांची कमाई केली आहे. राजस्थानचा अजून एक सामना बाकी असून तो मुंबई इंडियन्सविरुद्ध होणार आहे. या सामन्यात राजस्थानने विजय मिळवला तर संघ थेट प्लेऑफमध्ये प्रवेश करेल. मात्र पराभव झाल्यास राजस्थानचं गणित इतर निकालांवर अवलंबून राहील आणि तणाव वाढू शकतो.
पंजाब किंग्सची अवस्था बिकट
पंजाब किंग्सने हंगामाची सुरुवात शानदार केली होती. पण त्यानंतर संघाची गाडी रुळावरून घसरली. पंजाबने सलग 6 सामने गमावले असून त्यामुळे प्लेऑफचं भविष्य आता त्यांच्या हातात राहिलेलं नाही. पंजाबला आपला अखेरचा सामना कोणत्याही परिस्थितीत जिंकावा लागणार आहे. त्याचबरोबर राजस्थान रॉयल्स आणि केकेआर या दोन्ही संघांचा पराभव होण्याचीही त्यांना आशा ठेवावी लागेल. शिवाय केकेआर विरुद्ध डीसी सामन्यावर पंजाबची बारकाईने नजर असेल, कारण केकेआरने मोठ्या फरकाने विजय मिळवला तर पंजाबचं समीकरण आणखी बिघडू शकतं.
केकेआरसमोरही कठीण आव्हान
अजिंक्य रहाणेच्या नेतृत्वाखालील कोलकाता नाईट रायडर्ससाठीही प्लेऑफचा मार्ग सोपा नाही. केकेआरला दिल्ली कॅपिटल्सविरुद्धचा अखेरचा सामना जिंकणं अत्यावश्यक आहे. पण फक्त विजय पुरेसा ठरणार नाही. राजस्थान रॉयल्स आणि पंजाब किंग्स या दोन्ही संघांनी आपले शेवटचे सामने गमावले तरच केकेआरचे 15 गुण होतील आणि त्यांना प्लेऑफमध्ये चौथ्या संघाच्या रूपात संधी मिळू शकते.
दिल्ली कॅपिटल्सचं स्वप्न जवळपास अशक्य
दिल्ली कॅपिटल्ससाठी प्लेऑफमध्ये पोहोचणं जवळपास अशक्य मानलं जात आहे. दिल्लीला सर्वप्रथम राजस्थान रॉयल्स आणि पंजाब किंग्स या दोन्ही संघांचा पराभव हवा आहे. त्यानंतर केकेआरविरुद्धच्या अखेरच्या सामन्यात मोठ्या फरकाने विजय मिळवावा लागेल. कारण दिल्लीचा नेट रन रेट सध्या मायनसमध्ये आहे आणि तोच त्यांच्या मार्गातील सर्वात मोठा अडथळा ठरत आहे.
हे ही वाचा –
आणखी वाचा
Comments are closed.