पंजाबी गायक दिलजीत सिंग दोसांझ आणि लुधियानाच्या महापौर प्राचार्य इंदरजीत कौर यांना बॉम्बस्फोटाची धमकी देणारा ईमेल आला आहे. हा ईमेल सोमवारी सकाळी लुधियाना महानगरपालिका आयुक्तांच्या अधिकृत ईमेल पत्त्यावर आला. ईमेलमध्ये म्हटले आहे की, लुधियानाच्या महापौर प्राचार्य इंदरजीत कौर यांच्या घरावर दुपारी 1:11 वाजता, तर दिलजीत दोसांझ यांच्या घरावर रात्री 9:11 वाजता बॉम्बस्फोट केला जाईल. हा ईमेल खलिस्तान नॅशनल आर्मीकडून आल्याचे वृत्त आहे. ईमेलच्या विषय ओळीत लिहिले आहे, “बॉम्बस्फोट – महापौर कार्यालय लुधियाना!”
ईमेलमध्ये असेही म्हटले आहे, “कोई भी मदतद दिलजीत दोसांझ करेगा मरिया जाएगा,” म्हणजेच, जो कोणी या प्रकरणात मदत करेल त्याला पाठवणाऱ्यांकडून ठार मारले जाईल. या ईमेलनंतर, जिल्हा प्रशासनाने लुधियाना महानगरपालिकेच्या महापौर प्राचार्य इंदरजीत कौर आणि दिलजीत दोसांझ यांच्या घरांची, तसेच इतर सरकारी इमारतींची सुरक्षा वाढवली आहे. असे वृत्त एनडीटीव्हीने दिले आहे. ईमेल पाठवणाऱ्यांनी खलिस्तान नॅशनल आर्मीचे इंजिनियर गुरनाख सिंग (रुकुन शाह वाला) आणि डॉक्टर गुरनिरवैर सिंग (खान राजाडा) यांची नावे घेऊन खलिस्तानचा उल्लेख केला आहे.
धमकी देणाऱ्यांनी स्वतःची ओळख खलिस्तान नॅशनल आर्मीचे (KNA) सदस्य म्हणून दिली. ईमेलमध्ये 1984 च्या शीखविरोधी दंगलींचा उल्लेख करून त्याला ‘रक्ताचा बदला रक्ताने’ असे म्हटले आहे. 1984 च्या घटनांमध्ये आपल्या प्रियजनांना गमावलेल्या शीख कुटुंबांसाठी ही कारवाई केली जात असल्याचा दावा ईमेलमध्ये करण्यात आला आहे.
Comments are closed.